பேருந்தில் இருந்து இறங்கும்போது விழுந்து மாணவி பலி: நடத்துநர் கைது

கிருஷ்ணகிரி மாவட்டம் சினிகிரிப் பள்ளி கிராமத்தை சேர்ந்த முனிராஜ் என்பவரின் மகள் நவ்யா ஸ்ரீ(17), கெலமங்கலம் அரசு பெண்கள் மேல்நிலைப்பள்ளியில் 12ஆம் வகுப்பு படித்து வந்தார். பள்ளி முடிந்து நேற்று மாலை வீடு திரும்புபோது, தர்மபுரி செல்லும் அரசு பேருந்தில் சென்றார்.

அவர் இறங்க வேண்டிய பகுதியில் பேருந்து நிற்காமல் சென்றதால், மாணவி பதற்றமடைந்து பேருந்து மெதுவாகச் செல்லும் போது இறங்கி கீழே விழுந்ததில் பலத்த காயமடைந்து ஒசூர் அரசு மருத்துவமனையில் சிகிச்சைக்காக அனுமதிக்கப்பட்டு பின் மேல் சிகிச்சைக்காக கிருஷ்ணகிரி அரசு மருத்துமனையில் அனுமதிக்கப்பட்டார். ஆனால் அங்கு அவர் சிகிச்சை பலனின்றி உயிரிழந்தார்

இறந்த மாணவியின் குடும்பத்தினருக்கு தமிழகஅரசு உதவி புரிய வேண்டுமென பொதுமக்கள் கோரிக்கை விடுத்துள்ளனர். இதனிடையே, கவன குறைவு, அலட்சியமாக பேருந்து இயக்கியது, விபத்து ஏற்படுத்தியது ஆகிய மூன்று பிரிவின் கீழ், உத்தனப்பள்ளி போலீசார் வழக்கு பதிவு செய்து, பேருந்து ஓட்டுநர் வெங்கடேஷ் மற்றும் நடத்துனர் குமார். ஆகியோரை கைது செய்துள்ளனர்.