பர்கூர் அருகே பல்வேறுத்திட்டப்பணிகளை எம்எல்ஏ மதியழகன் துவக்கிவைத்தார்

கிருஷ்ணகிரி மாவட்டம் பர்கூர் சட்டமன்றத் தொகுதிக்கு உட்பட்ட காளிக்கோவில், குருவிநாயனப்பள்ளி உள்ளிட்ட பல்வேறு பகுதி மக்களின் நீண்டநாள் கோரிக்கைகளை நிறைவேற்றும் வகையில் சுமார் 11 லட்சம் மதிப்பீட்டில் பர்கூர் சட்டமன்றத் தொகுதி மேம்பாட்டு நிதியில் இருந்து நிதி ஒதிக்கீடு செய்யப்பட்டது.

இந்த நிதியின் மூலம் துவங்கப்பட உள்ள பணிக்கான துவக்கவிழா பர்கூர் ஒன்றியத்திற்கு உட்பட்ட ஆந்திர மாநில எல்லையில் அமைந்துள்ள காளிக்கோவிலில் இன்று நடைபெற்றது.

பர்கூர் ஒன்றிய திமுக கவுன்சிலர் கோவிந்தராஜ் தலைமையில் நடைபெற்ற இந்த விழாவில் கலந்துக்கொண்ட பர்கூர் திமுக சட்டமன்ற உறுப்பினர் மதியழகன், பொதுமக்களின் நீண்டநாள் கோரிக்கையை நிறைவேற்றம் வகையில் மசூதிக்கு சுற்றுசுவர் அமைக்கும் பணியினை பூமிபூஜைகள் செய்து கட்டுமானப்பணிகளை துவக்கிவைத்தார்,

அதேபோல குண்டூசி கொட்டாய் கிராம மக்கள் பயன்பெறும் வகையில் சிமெண்ட் சாலை அமைக்கும் பணிக்கும் அதனை தொடர்ந்து குருவிநாயனப்பள்ளி கிராம மக்கள் பயன்பெறும் வகையில் கழிவுநீர் கால்வாய்கள் அமைக்கும் பணியினையும் எம்எல்ஏ துவக்கிவைத்து பொதுமக்களிடம் அடிப்படை வசதிகள் மேம்படுத்துவது குறித்து பொதுமக்களை நேரில் சந்தித்தி கோரிக்கை மனுக்களையும் பெற்றுக்கொண்டார்.