பர்கூர்: கேட்பாரற்று கிடந்த 32 இருசக்கர வாகனங்களை கைப்பற்றிய போலீசார்

கிருஷ்ணகிரி மாவட்டம் பர்கூர் போலீஸ் எஸ்ஐ சங்கரன் மற்றும் போலீசார், பர்கூர் & ஜெகதேவி சாலையில் ரோந்து சென்றனர். அப்போது அங்கு பதிவு எண் இல்லாமலும், சந்தேகத்திற்கிடமாகவும் நிறுத்தப்பட்டிருந்த 10 இருசக்கர வாகனங்களை கைப்பற்றினர். இதே போல் கந்திகுப்பம் எஸ்ஐ. ராஜாமணி மற்றும் போலீசார் வரட்டனப்பள்ளி பகுதியில் ரோந்து சென்றனர். அங்குள்ள ஏரிக்கரையில் நிறுத்தப்பட்டிருந்த 3 இருசக்கர வாகனங்களை கைப்பற்றினர்.

நாகரசம்பட்டி எஸ்ஐ பச்சமுத்து மற்றும் போலீசார் நாகரசம்பட்டி ஏரிக்கரையில் நிறுத்தப்பட்டிருந்த 10 இருசக்கர வாகனங்களை கைப்பற்றினர். பாரூர் எஸ்ஐ பாண்டியன் மற்றும் போலீசார், கீழ்குப்பம் பகுதியில் 3 இருசக்கர வாகனங்களையும், போச்சம்பள்ளி எஸ்ஐ மகேந்திரன் மற்றும் போலீசார், பஸ் ஸ்டேண்டு அருகில் உள்ள சந்தை மைதானத்தில் நிறுத்தப்பட்டிருந்த 6 இருசக்கர வாகனங்களையும் என, ஒரேநாளில் 32 இருசக்கர வாகனங்களை கைப்பற்றி , போலீசார் விசாரணை நடத்தி வருகின்றனர்.