பஞ்சப்பட்டி ஏரியில் பட்டுப்போன மரங்கள் ஏலம்

தமிழகத்திலேயே மிகப்பெரிய மூன்றாவது ஏரியான பஞ்சப்பட்டி ஏரிக்கரையில் வறட்சி காரணத்தால் பல மரங்கள் பட்டுபோயின. இந்த மரங்கள் அரசு விதிமுறைகள்படி இன்று ஏலம் விடப்பட்டன. குளித்தலையில் அரியாறு வடிநில உபகோட்டம் உதவி செயற்பொறியாளர் தயாளகுமார் முன்னிலையில், பட்டுப்போன 124 வேம்பு மரங்கள், 7 வேல மரங்கள் மற்றும் ஏரிக்கரையின் வெளிப்புறத்தில் உள்ள 3 பனை மரங்களை வேருடன் அகற்றிட ஏலம் விடப்பட்டது. ஏலத்தில் 42 நபர்கள் பங்கேற்றனர். அரசின் ஆரம்ப ஏல விலையாக 29 ஆயிரம் நிர்ணயிக்கப்பட்டிருந்தது. ரூ 3 லட்சத்து 94 ஆயிரத்திற்கு கமலநாதன் என்பவர் ஏலம் எடுத்தார். ஏலம் எடுத்தவர்கள் அரசு விதிமுறைகள் படி மரங்களை அகற்ற வேண்டும் என அறிவுறுத்தப்பட்டது.