உத்திரமேரூர் பேரூராட்சி திமுக வசமானது

குடவோலை முறை தேர்தலை உலகிற்கு அறிமுகம் செய்த உத்தரமேரூர் பேரூராட்சிக்கு நடைபெற்ற நகர்ப்புற உள்ளாட்சி தேர்தலில் 18 வார்டு உறுப்பினர் பதவிகளுக்கு வாக்குப்பதிவு எண்ணிக்கை இன்று நடைபெற்றது.

இதில் திமுக 14 இடங்களிலும் , அதிமுக மூன்று இடங்களிலும் , பாமக ஒரு இடங்களிலும் வெற்றி பெற்றது. இதன்மூலம் உத்திரமேரூர் பேரூராட்சி திமுக தன்வசம் ஆக்கிக் கொண்டுள்ளது.

முதல் வார்டில் அறிவழகன் , இரண்டாவது வார்டு வெங்கடேசன், 3வது வார்டில் நரசிம்மபாரதி, 6வது வார்டில் தமிழரசி , 8வது வார்டில் இளமதி, 9வது வார்டில் தனசேகரன், பத்தாவது வார்டில் சிங்காரி, 13 வது வார்டில் கவிதா சசிகுமார், 12 வது வார்டில் மைவிழிசெல்வி, 13 வது வார்டில் உதயசூரியன் , 14வது வார்டில் பரணி , 15வது வார்டில் சசிகுமார் , 17வார்டில் குணசேகர், 18வது வார்டில் ரத்தனா ஆகியோர் திமுக சார்பில் வெற்றி பெற்றுள்ளனர்

இதேபோல் நான்காவது வார்டில் பத்மாவதி , 5 வது வார்டில் பாரதி , 16 வது வார்டில் தீபா ஆகியோர் அதிமுக சார்பில் வெற்றி பெற்றுள்ளனர். பாட்டாளி மக்கள் கட்சி சார்பாக 7வது வார்டில் உமா வெற்றி பெற்றுள்ளார்.