சாலையில் பைக் ரேசில் ஈடுபட்ட இருவர் கைது

சென்னை, ஆதம்பாக்கம், வேளச்சேரி-மவுன்ட் உள்வட்டச்சாலையில், 'பைக் ரேஸ்' நடப்பதாக பரங்கிமலை போக்குவரத்து போலீசாருக்கு தகவல் வந்தது. ஆய்வாளர் பழனி தலைமையில் போலீசார் புகார் வந்த பகுதியில் தொடர்ந்து கண்காணித்து வந்தனர். அப்போது, இருசக்கர வாகனத்தில் சாகசம் செய்தபடி, பைக் ரேசில் ஈடுபட்ட இருவர் பிடித்தனர். விசாரணையில் அவர்கள், ஒட்டியம்பாக்கத்தை சேர்ந்த ஸ்டீபன்ராஜ்(21), வேளச்சேரியை சேர்ந்த தினேஷ்(19), என்பது தெரியவந்தது.

இருவரும், 'இன்ஸ்டாகிராம்' வாயிலாக வீடியோக்களை பதிவிட்டு, நாளை நடக்க இருந்த பைக் ரேஸ்சுக்காக பயிற்சி எடுத்து வந்ததும், பல ரேஸ்களில் பங்கேற்றதும் தெரியவந்தது. அவர்களிடம் இருந்து இருசக்கர வாகனங்கள் பறிமுதல் செய்யப்பட்டு, இருவரும் கைது செய்யப்பட்டு, நீதிமன்ற உத்தரவு படி சிறையில் அடைக்கப்பட்டனர்.