பண்ணாரி அம்மன் கோவில் பூக்குழி விழா

சத்தியமங்கலம்: சத்தியமங்கலம் அருகே உள்ள பண்ணாரி அம்மன் கோவிலில் பக்தி நிறைந்த பூக்குழி விழா நடைபெற்றது. பிரசித்தி பெற்ற இந்த அம்மன் கோவிலில் ஆண்டுதோறும் நடைபெறும் குண்டம் விழா, கடந்த 24ம் தேதி பூச்சாட்டுதலுடன் தொடங்கியது.

அதன் தொடர்ச்சியாக, அம்மன் உற்சவம் சப்பரத்துடன் சிக்கரசம்பாளையத்தில் ஆரம்பிக்கப்பட்டு, சுற்றுவட்டார பகுதிகளில் திருவீதியுலா நடைபெற்றது. பக்தர்கள் பெருமளவில் கலந்து கொண்டு அம்மனை வழிபட்டனர்.

நேற்று முன்தினம், திருவீதியுலா நிறைவு பெற்றதையடுத்து, சப்பரம் கோவிலை வந்தடைந்தது. பின்னர், நேற்று அதிகாலை மரபு வழிபாட்டின்படி பூக்குழி போடப்பட்டது.

அதனைத் தொடர்ந்து, நேற்று இரவு முதல் மலைவாழ் மக்கள் பாரம்பரிய இசைக் கருவிகளை இசைத்து, அம்மன் புகழைப் பாடும் களியாட்டம் தொடங்கியது. இது வரும் ஏப்ரல் 6ஆம் தேதி வரை நடைபெற உள்ளது. திருவிழாவின் ஒவ்வொரு நிகழ்வும் பக்தர்களை ஆன்மிக பூரணத்துடன் இணைக்கும் வகையில் சிறப்பாக நடைபெற்றுவருகிறது.