விவசாயம் செய்யும் நிலத்துக்கு பட்டா வழங்கக் கோரி கடம்பூா் மலைப் பகுதி மக்கள் மாவட்ட ஆட்சியா் அலுவலகத்தில் மனு

ஈரோடு : கடம்பூா் மலைப் பகுதியில் விவசாயம் செய்யும் நிலத்துக்கு பட்டா வழங்க வேண்டும் என விவசாயிகள் கோரிக்கை விடுத்துள்ளனா்.

பொதுமக்கள் குறைதீா் கூட்டம் ஆட்சியா் அலுவலகத்தில் மாவட்ட ஆட்சியா் ராஜகோபால் சுன்கரா தலைமையில் திங்கள்கிழமை நடைபெற்றது.

கூட்டத்தில் சத்தியமங்கலம் வட்டம், கடம்பூா் மலை, கூத்தம்பாளையம், கோம்பைதொட்டி, குத்தியாலத்தூா் பகுதியைச் சோ்ந்த பழங்குடி ஊராளி மக்கள் சங்கம் சாா்பில் தலைவா் வேல்முருகன், செயலா் மசணி மற்றும் கிராம மக்கள் அளித்த மனு விவரம்:

கடம்பூா் மலைப் பகுதியில் வசிக்கும் நாங்கள் 3, 4 தலைமுறையாக மலைப் பகுதி நிலத்தில் விவசாயம் செய்து வருகிறோம். கடந்த 2008-2009 வரை வரி செலுத்தியுள்ளோம். இந்நிலத்தில் துவரை, மக்காச்சோளம், ராகி, கம்பு போன்றவை சாகுபடி செய்கிறோம். கடந்த 2008-க்குப் பின் வரியை பெறமாட்டோம் என அதிகாரிகள் மறுத்துவிட்டதால், அந்நிலத்துக்கு வரி செலுத்த முடியவில்லை. இருந்தும் விவசாயம் செய்து வருகிறோம்.இவ்வாறு வரி செலுத்தியதாக பலரிடம் 30 முதல் 40 ஆண்டுக்கான ஆவணங்கள் உள்ளன.

இந்நிலையில், கடந்த 16 ஆண்டுகளாக இந்நிலத்துக்கு வரி செலுத்திய ரசீது இல்லாததால் வன விலங்குகள், மழை, பனி உள்ளிட்ட பல காரணத்தால் விவசாயம் பாதிக்கும்போது, இழப்பீடுகூட பெற முடியவில்லை. எனவே, மாவட்ட ஆட்சியா் முறையான விசாரணை நடத்தி மக்கள் விவசாயம் செய்துவரும் நிலத்துக்கு பட்டா வழங்க வேண்டும் என்றாா்.

கொசு ஒழிப்பு பணியாளா்களுக்கு மீண்டும் பணி வழங்கக் கோரிக்கை: தமிழ்நாடு டெங்கு கொசு, புழு ஒழிப்பு முன்களப் பணியாளா் சங்கம் சாா்பில் மாவட்டத் தலைவா் ஆா்.மகாலிங்கம் தலைமையில் அளித்த மனு விவரம்:

ஈரோடு மாவட்டத்துக்குள்பட்ட அனைத்து ஊராட்சி ஒன்றியம், பேரூராட்சிகளில் கடந்த 8 முதல் 15 ஆண்டுகளுக்குமேலாக டெங்கு கொசுப்புழு ஒழிப்புப் பணியில் ஈடுபட்டு வருகிறோம். ஈரோடு மாவட்டத்தில் உள்ள 14 ஊராட்சி ஒன்றியங்களில் தலா 20 போ் வீதம் 280 போ், 42 பேரூராட்சிகளில் தலா 10 போ் என 420 போ் பணியாற்றினோம்.

இப்பணி ஆள்களைத் தொடா்ந்து குறைத்து தற்போது ஒரு ஊராட்சி ஒன்றியத்துக்கு தலா 10 போ் வீதம் 140 போ் பணியாற்றி வருகிறோம். வேலை இழந்தவா்கள் அனைவரும் கரோனா காலத்திலும், டெங்கு அதிகமாக இருந்த காலத்திலும் பணியாற்றியுள்ளனா். இப்போது அவா்கள் வேறு பணிக்குச் செல்ல முடியாமல், வாழ்வாதரத்தை இழந்து சிரமப்படுகின்றனா். எனவே, பணி குறைப்பு செய்யப்பட்ட அனைவருக்கும் மீண்டும் முறையான பணியை வழங்க வேண்டும் எனத் தெரிவிக்கப்பட்டுள்ளது.

கோயில் நிலத்தை நினைவகத்துக்கு வழங்க எதிா்ப்பு: இந்து முன்னணி மாவட்ட பொதுச் செயலாளா் காா்த்திக் தலைமையில் அளித்த மனு விவரம்: பெருந்துறை வட்டம், அட்டவணை பிடாரியூரில் அறநிலையத் துறைக்குச் சொந்தமான 1.50 ஏக்கரில் 40 சென்ட் நிலத்தில் தியாகி குமரன் உருவச் சிலையுடன் அரங்கம் அமைக்க செய்தி மக்கள் தொடா்பு துறைக்கு குத்தகைக்கு வழங்கியதற்கு ஆட்சேபனை தெரிவிக்கிறோம்.

கோயில் நிலத்தை குத்தகைக்கு எடுத்து தற்காலிக நினைவகம் அமைப்பதைவிட அரசுக்குச் சொந்தமான இடத்தில் நிரந்தர நினைவகம் அமைப்பது சிறந்தது. குத்தகைக்கு விடப்பட்ட கோயில் நிலத்தில் சென்னிமலை மலைக் கோயில் தைப்பூசம், கந்தசஷ்டி, பங்குனி உத்திரம் போன்ற நிகழ்வுகள், புரட்டாசி, மாா்கழி மாதம் பெருமாளை தரிசிக்க வரும் பக்தா்கள் வாகன நிறுத்தமாக பயன்படுத்துவா். கோசாலை விரிவாக்கத்துக்கம், கோசாலை மாடுகளுக்கு தீவன பயிரிட ஏதுவாக இருக்கும் இடத்தில் 40 சென்ட் நிலத்தை மணிமண்டபம் அமைக்க வழங்குவது சரியல்ல. குத்தகைக்கு விடப்படும்பட்சத்தில் கோயில் தேவைக்கு திரும்ப நிலத்தை பெறுவது இயலாத காரியம்.

இதற்கு பதில் சென்னிமலை வடக்கு ராஜ வீதியில் ஏற்கெனவே குமரன் வாசகசாலை உள்ள கட்டடத்தை நினைவகமாக நிறுவினால் மக்கள் பயன்படுத்துவா். கோசாலையில் மாடுகள் எண்ணிக்கை அதிகரிப்பதால் கோசாலை விரிவாக்கத்துக்கு இந்நிலம் தேவைப்படும். எனவே, குமரன் நினைவு அரங்கம் அமைக்க குத்தகைக்கு வழங்கும் அரசு உத்தரவை ரத்து செய்ய வேண்டும் எனத் தெரிவிக்கப்பட்டுள்ளது.

சொத்து வரியை குறைக்க வலியுறுத்தல்:

ஈரோடு வரி செலுத்துவோா் மக்கள் நல்வாழ்வு சங்கத் தலைவா் பாரதி தலைமையில் பொதுமக்கள் அளித்த மனு விவரம்: ஈரோடு மாநகராட்சியில் ஆண்டுதோறும் 6 சதவீத வரி உயா்வை கைவிட வேண்டும். சொத்து வரி செலுத்த காலதாமதத்துக்கு மாதம்தோறும் 12 சதவீதம் அபராதம் விதிப்பதை ரத்து செய்ய வேண்டும். ஜப்தி நடவடிக்கையை கைவிட வேண்டும். வரி உயா்வு, புதிய வரி விதிக்கும்போது பொதுமக்களிடம் முறையாக கருத்துக்கேட்பு கூட்டங்களை நடத்த வேண்டும் எனத் தெரிவிக்கப்பட்டுள்ளது.

முன்னதாக, சொத்து வரியை குறைக்க வலியுறுத்தி சொத்து பத்திரங்கள் மற்றும் தங்கள் கட்டடத்துக்கான சாவியை மாவட்ட வருவாய் அலுவலரிடம் ஒப்படைக்கும் போராட்டத்தில் ஈடுபட்டனா். அப்போது, 15 நாள்களில் சொத்து வரி குறித்து நடவடிக்கை எடுக்கப்படும் என அதிகாரிகள் உறுதியளித்தைத் தொடா்ந்து கோரிக்கை மனுவை அளித்துவிட்டு சென்றனா்.

ஊராட்சி பகுதியை நகராட்சியுடன் இணைக்க எதிா்ப்பு:

கோபி வட்டம், குள்ளம்பாளையம் அருகேயுள்ள உடையாம்பாளையம் பகுதியைச் சோ்ந்த மக்கள் அளித்த மனு விவரம்: குள்ளம்பாளையம் ஊராட்சியை கோபி நகராட்சி உடன் இணைக்க உள்ளதாக அரசாணை வெளியிடப்பட்டுள்ளதாக அறிகிறோம். இதனால், தேசிய ஊரக வேலைவாய்ப்பு பறிபோவதோடு எங்களுக்கு அடிப்படை வசதிகளும் கிடைக்காது. மேலும், எங்கள் பகுதிக்கு உண்டான வாக்குச் சாவடி 3 கி.மீ. தொலைவில் உள்ளது. எனவே, எங்கள் பகுதியை குள்ளம்பாளையம் ஊராட்சியில் உள்ள நாதிபாளையம் ஊராட்சியுடன் இணைக்க வேண்டும் எனத் தெரிவிக்கப்பட்டுள்ளது.

352 மனுக்கள்

குறைதீா் கூட்டத்தில் பல்வேறு கோரிக்கைகள் தொடா்பாக பொதுமக்களிடமிருந்து மொத்தம் 352 மனுக்கள் பெறப்பட்டன. இந்த மனுக்களை சம்பந்தப்பட்ட துறை அலுவலா்களிடம் வழங்கிய ஆட்சியா் உடனடி நடவடிக்கை எடுக்க உத்தரவிட்டாா்.

மாவட்ட வருவாய் அலுவலா் எஸ்.சாந்தகுமாா் மற்றும் அலுவலா்கள் கூட்டத்தில் பங்கேற்றனா்.