மாரப்பம்பாளையத்தில் தெருவிளக்கு வசதி கோரிக்கை, இரவு பயணத்தில் மக்களின் அவதி
தெருவிளக்கு வசதியின்றி வாகன ஓட்டுனர்கள் அவதி
கோபி: கோபி அருகே உள்ள மாரப்பம்பாளையம் பிரிவில் போதிய தெருவிளக்கு வசதி இல்லாததால் பாதசாரிகள் முதல் வாகன ஓட்டிகள் வரை பெரும் சிரமத்திற்கு உள்ளாகியுள்ளனர்.
கோபி-ஈரோடு சாலையில் அமைந்துள்ள மாரப்பம்பாளையம் பிரிவில் எந்நேரமும் வாகன நடமாட்டம் அதிகமாக இருக்கிறது. இருப்பினும், இப்பகுதியில் போதுமான தெருவிளக்கு வசதிகள் இல்லாததால் இரவு நேரங்களில் மக்கள் பெரும் சிரமத்தை எதிர்கொள்கின்றனர். குறிப்பாக, வெளியூர்களுக்கு வேலைக்குச் சென்று இரவு நேரத்தில் வீடு திரும்புவோர் கடும் இருளில் சிக்கித் தவிக்கின்றனர்.
பாதசாரிகள் மற்றும் வாகன ஓட்டிகள் வாகனங்களின் முகப்பு விளக்கு வெளிச்சத்தைக் கொண்டே ஈரோடு சாலையைக் கடக்க வேண்டிய நிலை ஏற்பட்டுள்ளது. இதனால் விபத்து ஏற்படும் அபாயமும் உள்ளது. எனவே, பகுதி மக்கள் சம்பந்தப்பட்ட பஞ்சாயத்து நிர்வாகம் அல்லது யூனியன் நிர்வாகம் அப்பகுதியில் உயர் கோபுர மின் விளக்கு வசதி ஏற்படுத்த வேண்டும் என்று கோரிக்கை விடுத்துள்ளனர்.
