கல்வி கட்டணமின்றி நர்சிங் படிப்பதற்கான சிறந்த வாய்ப்பு!
ஈரோடு: ஸ்ரீசாய் சிந்து பவுண்டேசன் கல்வி அறக்கட்டளை சார்பாக, ஈரோடு மாவட்டம், கோபி அருகே அம்மன் கோவில்பதி கொளப்பலுாரில், ஸ்ரீசாய் சிந்து செவிலியர் கல்லுாரி வரும் ஜூன் 29ம் தேதி முதல் செயல்பட ஆரம்பிக்கவுள்ளது. இந்த கல்லுாரி மூலம், சமூகத்தில் பின்தங்கிய மற்றும் ஆதரவற்ற பிரிவினருக்கு, தரமான செவிலியர் கல்வி கிடைக்க வழிவகை செய்யப்பட்டுள்ளது.
இலவச பிஎஸ்சி நர்சிங் படிப்பு வாய்ப்பு
ஸ்ரீசாய் சிந்து செவிலியர் கல்லுாரியில், பெற்றோரை இழந்த ஆதரவற்ற மாணவ-மாணவியர், மூன்றாம் பாலினத்தவர், தாழ்த்தப்பட்டோர் மற்றும் பழங்குடியினர் வகுப்பை சேர்ந்த, வறுமைக் கோட்டுக்கு கீழ் உள்ள 47 மாணவ-மாணவியருக்கு, நான்கு ஆண்டு காலம் பிஎஸ்சி நர்சிங் படிப்பை முழுமையாக இலவசமாக கற்றுக்கொள்ள வாய்ப்பு வழங்கப்படுகிறது.
இந்த சிறப்பு படிப்பு வாய்ப்பின் மூலம், வறுமை மற்றும் பொருளாதார இன்னல்களால் உயர்கல்வி பெற முடியாமல் தவிக்கும் திறமையான மாணவ-மாணவியர் தங்களது கனவுகளை நனவாக்கிக் கொள்ள முடியும்.
செவிலியராக வேலைவாய்ப்பு பெற ஏற்ற படிப்பு
பிஎஸ்சி நர்சிங் படிப்பை முடித்தவுடன், அரசு மற்றும் தனியார் மருத்துவமனைகளில் செவிலியராக பணிபுரிய முடியும். தமிழகம் மட்டுமின்றி இந்தியா முழுவதும், செவிலியர்களுக்கான தேவை அதிகரித்து வருவதால், வேலைவாய்ப்பு எளிதில் கிடைக்கும் என்பது குறிப்பிடத்தக்கது.
மேலும் இந்த படிப்பை முடித்தவுடன், வெளிநாடுகளில் பணிபுரிய பல வாய்ப்புகளும் உள்ளன. பிஎஸ்சி நர்சிங் முடித்த பின் எம்எஸ்சி நர்சிங் மற்றும் மேலும் உயர்படிப்புகளையும் தொடர்ந்து படிக்கலாம்.
கல்வி தரத்தில் சமரசமில்லை
ஸ்ரீசாய் சிந்து செவிலியர் கல்லுாரியில் வழங்கப்படும் பிஎஸ்சி நர்சிங் படிப்பு முற்றிலும் அரசு அங்கீகாரம் பெற்றது. திறமையான பேராசிரியர்கள், நவீன வசதிகளுடன் கூடிய வகுப்பறைகள், தரமான கற்றல் முறைகள் போன்றவற்றால், ஸ்ரீசாய் சிந்து கல்லுாரியில் கல்வி தரத்தில் எந்த வித சமரசமும் கிடையாது.
மேலும் நவீன தொழில்நுட்பங்கள் பயன்படுத்தப்படும் மருத்துவமனையுடன் இணைந்து, மாணவ-மாணவிகள் தங்களது பயிற்சிக் காலத்தை முழுமையாக பெறுவார்கள். இதன்மூலம் ஓர் திறமையான செவிலியராக உருவாக தேவையான அனுபவம் கிடைக்கும்.
சமூக நல்லிணக்கத்தை ஏற்படுத்தும் முன்முயற்சி
சமூகத்தில் பின்தங்கிய மற்றும் ஆதரவற்ற பிரிவினருக்கு தரமான உயர்கல்வி கிடைப்பது என்பது மிகப்பெரிய சவாலாகவே உள்ளது. இந்த நிலையில், ஸ்ரீசாய் சிந்து செவிலியர் கல்லுாரி இவர்களுக்கு இலவச கல்வியுடன், வாழ்வாதாரத்தையும் வழங்க முன்வந்திருப்பது சமூக நல்லிணக்கத்தை ஏற்படுத்த உதவும் ஓர் முன்முயற்சியாக பார்க்கப்படுகிறது.
சமுதாயத்தில் நலிவடைந்த பிரிவினரின் மேம்பாட்டுக்கு தனது பங்களிப்பை செய்ய விரும்பும் ஸ்ரீசாய் சிந்து பவுண்டேசன் கல்வி அறக்கட்டளையின் இந்த நடவடிக்கை, பலருக்கு முன்னுதாரணமாகவும் அமையும் என எதிர்பார்க்கப்படுகிறது.
எவ்வாறு விண்ணப்பிப்பது?
ஸ்ரீசாய் சிந்து செவிலியர் கல்லுாரியின் இலவச பிஎஸ்சி நர்சிங் படிப்பில் சேர்ந்து படிக்க ஆர்வமுள்ளோர், இன்னும் இரண்டு நாட்களுக்குள் 82783-66666 என்ற தொலைபேசி எண்களை தொடர்பு கொண்டோ விண்ணப்பிக்கலாம்.
இத்தகவலை ஸ்ரீசாய் சிந்து பவுண்டேசன் கல்வி அறக்கட்டளை தலைவர் சிந்து ரவிச்சந்திரன் தெரிவித்துள்ளார்.
