சாலை பணியால் போக்குவரத்தில் மாற்றம்

ராசிபுரத்தில் சாலை பணியால் போக்குவரத்தில் மாற்றம் – வாகன ஓட்டிகள் கவனத்திற்கு

ராசிபுரம் நகராட்சியில் ஒரு வழிப்பாதையில் தார்சாலை அமைக்கும் பணி நடைபெற்று வருவதால், போக்குவரத்தில் தற்காலிக மாற்றம் செய்யப்பட்டுள்ளது. இந்த பணிகள் தொடரும் வரையில், நகருக்குள் இயல்பான போக்குவரத்து நுழைவு கட்டுப்படுத்தப்பட்டுள்ளதால், கனரக வாகனங்கள் மற்றும் பஸ்கள் மாற்று வழியை பயன்படுத்த வேண்டும்.

நகராட்சி கமிஷனர் கணேசன் வெளியிட்டுள்ள அறிவிப்பின்படி, சேலம், ஈரோடு, ஆட்டையாம்பட்டி, திருச்செங்கோடு உள்ளிட்ட பகுதிகளிலிருந்து வரும் கனரக வாகனங்கள் மற்றும் பஸ்கள், ராசிபுரம் நகருக்குள் நுழையாமல், தேசிய நெடுஞ்சாலை வழியாக சென்று, பழைய ஆர்.டி.ஓ. அலுவலகம் வழியாக ராசிபுரம் பைபாஸ் மற்றும் சேந்தங்கலம் பிரிவு ரோடு வழியாக செல்ல வேண்டும்.

இந்த போக்குவரத்து மாற்றம் 29ம் தேதி வரை செயல்படுத்தப்பட இருப்பதால், பொதுமக்கள், வாகன ஓட்டிகள், டிரைவர்கள் இந்த அறிவிப்பின்படி தங்களது வாகனங்களை இயக்க வேண்டும். நெரிசல் மற்றும் பாதிப்பு ஏற்படாமல் அனைவரும் ஒத்துழைக்குமாறு நகராட்சி நிர்வாகம் கேட்டுக் கொண்டுள்ளது.