ஈரோட்டில் இன்று பல்வேறு வளர்ச்சி திட்ட பணிகளை தொடங்கி வைத்தார் அமைச்சர் முத்துசாமி

ஈரோடு : ஈரோட்டில் இன்று பல்வேறு வளர்ச்சி திட்ட பணிகளை தமிழக வீட்டு வசதித்துறை மற்றும் நகர்ப்புற வளர்ச்சித்துறை அமைச்சர் முத்துசாமி தொடங்கி வைத்தார். பின்னர் அமைச்சர் முத்துசாமி நிருபர்களுக்கு பேட்டி அளித்தார். அப்போது அவர் கூறியதாவது:

ஈரோடு மாவட்டத்தில் பல வளர்ச்சி திட்டங்கள்

• ஈரோடு மாவட்டத்தில் பல்வேறு பணிகள் நடைபெற்று வருகின்றன.
• இன்று மட்டும் 10 பணிகள் ரூ. 3 கோடியே 65 லட்சம் செலவில் தொடங்கப்பட்டுள்ளன.
• சில இடங்களில் பணிகள் முடிந்து அவற்றை பயன்பாட்டிற்கு கொண்டு வர இருக்கிறோம்.

இன்று மட்டும் 10 பணிகள் ரூ. 3 கோடியே 65 லட்சம் செலவில் தொடங்கப்பட்டுள்ளன. சில இடங்களில் பணிகள் முடிந்து அவற்றை பயன்பாட்டிற்கு கொண்டு வர இருக்கிறோம். ஏற்கனவே துணை முதலமைச்சர் ஈரோடு வந்த போது 13,000 பேருக்கு ஒரே இடத்தில் நலத்திட்ட உதவிகளை வழங்கினார். பல நூறு கோடி ரூபாய் மதிப்பிலான திட்டங்களுக்கு அடிக்கல் நாட்டப்பட்டும், திறந்து வைக்கப்பட்டது. அதேபோல் முதலமைச்சர் ஈரோடு வந்தபோது 50 ஆயிரம் பேருக்கு நலத்திட்ட உதவிகள் வழங்கப்பட்டன.

சிக்கையா நாயக்கர் கல்லூரி மேம்பாடு

சிக்கையா நாயக்கர் கல்லூரியில் என்னென்ன செய்ய வேண்டும் என்பதையும் முதல்-அமைச்சர் சொல்லியிருக்கிறார்:

• ஐ.ஏ.எஸ் அகாடமி விளையாட்டு அரங்கம் அமைக்கப்பட வேண்டும்
• மிகப்பெரிய நூலகம் அமைக்கப்பட வேண்டும்

முதலமைச்சர் அறிவித்த பல நூறு திட்டங்களுக்கான பணிகளை அதிகாரிகள் வேகமாக மேற்கொண்டு வருகிறார்கள் என்று அமைச்சர் முத்துசாமி தெரிவித்தார்.