7 இடங்களில் தி.மு.க. போராட்டம்
ஏழு இடங்களில் இன்று தி.மு.க., கண்டன ஆர்ப்பாட்டம்
ஈரோடு: தமிழகத்தில் நுாறு நாள் வேலை திட்ட பயனாளிகளுக்கான ஊதியத்தை பல மாதங்களாக வழங்க மறுக்கும் மத்திய பா.ஜ., அரசை கண்டித்து, தி.மு.க., சார்பில் இன்று காலை 10:00 மணிக்கு மாநிலம் முழுவதும் கண்டன ஆர்ப்பாட்டங்கள் நடத்தப்படவுள்ளதாக, ஈரோடு தெற்கு மாவட்ட தி.மு.க., செயலாளரும், வீட்டு வசதித்துறை அமைச்சருமான முத்துசாமி வெளியிட்ட அறிக்கையில் தெரிவிக்கப்பட்டுள்ளது.
இதன் ஒருபகுதியாக, ஈரோடு மாவட்டத்தில் முக்கிய ஏழு இடங்களில் ஆர்ப்பாட்டங்கள் நடைபெறவுள்ளது. அதாவது, ஈரோடு – காளிங்கராயன்பாளையம் பழைய கால்நடை மருத்துவமனை அருகே, சென்னிமலை – வெள்ளோடு நால் ரோடு, மொடக்குறிச்சி கிழக்கு – மொடக்குறிச்சி நால் ரோடு, மொடக்குறிச்சி மேற்கு – அவல்பூந்துறை நால் ரோடு, மொடக்குறிச்சி தெற்கு – அரச்சலுார் அண்ணா நகர், கொடுமுடி தெற்கு – கொடுமுடி பஸ் ஸ்டாண்ட் அருகே, கொடுமுடி மேற்கு – அஞ்சூர் பஞ்சாயத்து மற்றும் கொடுமுடி வடக்கு – கருமாண்டம்பாளையம் நால் ரோடு ஆகிய இடங்களில் ஆர்ப்பாட்டங்கள் நடத்தப்படவுள்ளது.
இந்த போராட்டத்தின் மூலம், மத்திய அரசின் தொழிலாளி எதிர்ப்பு செயல்பாடுகளுக்கு எதிராக தமிழக அரசும், தி.மு.க., ஆதரவாளர்களும் தங்களது குரலை எழுப்ப உள்ளனர்.
