பூதப்பாடியில் ரூ.4.79 லட்சத்துக்கு விளைபொருள்கள் ஏலம்

பவானியை அடுத்த பூதப்பாடி ஒழுங்குமுறை விற்பனைக்கூடத்தில், ரூ.4.79 லட்சத்துக்கு வேளாண் விளைபொருள்கள் ஏலம் நடைபெற்றது. இங்கு, விற்பனைக்கு வந்த 2,891 தேங்காய்களில் சிறியவை ரூ.5.10 முதல், ரூ.20.11 வரையில் ரூ.26,193-க்கும், 35 மூட்டைகள் தேங்காய் பருப்பு கிலோ ரூ.85.06 முதல் ரூ.110.06 வரையில் ரூ.58,336-க்கும், 88 மூட்டைகள் நிலக்கடலை கிலோ ரூ.62.62 முதல் ரூ.77.73 வரையில் ரூ.1,44,571-க்கும், 145 மூட்டைகள் நெல், கிலோ ரூ.14.15 முதல் ரூ.21.23 வரையில் ரூ.1,78,977-க்கும், ஒரு மூட்டை எள், கிலோ ரூ. 88.49 வீதம் ரூ.3,676-க்கும் ஏலம் போனது.

இதில், 100 விவசாயிகள் பங்கேற்ற நிலையில், மொத்தம் 269 மூட்டைகள், 166.79 குவிண்டால் எடையுள்ள வேளாண் விளைபொருள்கள் ரூ.4,79,054-க்கு விற்பனையானது.