இன்ஜினியரிங் கல்லூரியில் தொழில் முனைவோர் மாநாடு

இன்ஜினியரிங் கல்லூரியில் தொழில் முனைவோர் மாநாடு சிறப்பாக நடைபெற்ற நிகழ்வு

கோபி அருகே ஒத்தக்குதிரை வெங்கடேஸ்வரா ஹைடெக் இன்ஜினியரிங் கல்லூரியில் சிறு, குறு மற்றும் நடுத்தர தொழில்கள் மேம்பாட்டை நோக்கமாகக் கொண்ட தொழில் முனைவோர் மாநாடு சிறப்பாக நடைபெற்றது. இந்த நிகழ்வை கல்லூரி செயலாளரும், முன்னாள் அமைச்சருமான கருப்பண்ணன் எம்.எல்.ஏ. தலைமையேற்று தொடங்கி வைத்தார்.

மாநாட்டின் முக்கிய அம்சமாக, தனியார் நிறுவன முதன்மை அதிகாரி ஆச்சர், சிறு குறு நடுத்தர தொழில் மேம்பாட்டு மைய ஒருங்கிணைப்பாளர் ராஜேஷ்குமார், பழனிச்சாமி ஆகியோர் தொழில்முனைவு குறித்து சிறப்புரை வழங்கினர். தொழில் வளர்ச்சியில் குறிப்பிடத்தக்க முன்னேற்றம் கண்ட நிறுவனங்களுக்கு விருதுகளும், சான்றிதழ்களும் வழங்கப்பட்டன.

இந்த நிகழ்வில் கல்லூரி தலைவர் வெங்கடாசலம், இணை செயலாளர் கெட்டிமுத்து, தலைமை நிர்வாக அதிகாரி கவுதம், இயக்குநர் கவியரசு, சிறு குறு நிறுவன நிர்வாகிகள் மற்றும் மேலாண்மை துறை மாணவர்கள் உள்ளிட்ட பலர் கலந்து கொண்டனர். கல்லூரி முதல்வர் தங்கவேல் வரவேற்றதுடன், எந்திரவியல் துறை தலைவர் மோகன்குமார் நன்றி கூறினார்.