தர்மபுரி மாவட்ட நகராட்சி, பேரூராட்சிகளில் போட்டியிட 66 பேர் மனுதாக்கல்

தர்மபுரி மாவட்டத்தில் உள்ள தர்மபுரி நகராட்சி மற்றும் 10 பேரூராட்சிகளுக்கு வருகிற 19-ந்தேதி தேர்தல் நடைபெற உள்ளது. இதற்கான வேட்புமனு தாக்கல் தர்மபுரி நகராட்சி அலுவலகம் மற்றும் 10 பேரூராட்சி அலுவலகங்களில் நடைபெற்று வருகிறது.

இந்தநிலையில் இன்று 4-வது நாளாக வேட்பு மனுக்கள் தாக்கல் நடந்தது. தர்மபுரி நகராட்சி பகுதியில் தேர்தலில் போட்டியிட இதுவரை 21 பேர் வேட்புமனு தாக்கல் செய்தனர். பேரூராட்சிகளில் போட்டியிட அரூரில் 10 பேரும், கம்பைநல்லூரில் 5 பேரும், பாப்பாரப்பட்டியில் 10 பேரும், பென்னாகரத்தில் 5பேரும், காரிமங்கலமத்தில் 8 பேரும், மாரண்டஅள்ளி,2 பேரும் பாலகோட்டில் ஒருவரும், பாப்பிரெட்டிப்பட்டியில் 2 பேரும் கடத்தூரில் 2 பேரும் என 45 வேட்புமனு தாக்கல் செய்தனர்.

இதுவரை மொத்தம் 66 பேர் மனு தாக்கல் செய்துள்ளனர்.

இதன்படி தர்மபுரி நகராட்சி மற்றும் மாவட்டத்திலுள்ள பேரூராட்சி பகுதிகளில் போட்டியிட 66 பேர் வேட்புமனு தாக்கல் செய்துள்ளனர். பொ.மல்லாபுரத்தில் இதுவரை ஒருவர் கூட வேட்புமனுத்தாக்கல் செய்யவில்லை என்பது குறிப்பிடத்தக்கது.