விருத்தாசலம் அருகே வேன் மரத்தில் மோதி 20 பேர் காயம்

கடலூர் மாவட்டம் விருத்தாசலம் அடுத்த தெற்கு வெள்ளூர் கிராமத்தை சேர்ந்தவர் பத்மாவதி. இவரது பேத்தி பிறந்தநாள் விழாவிற்காக தொழுதூர் அருகே உள்ள பூண்டி கிராமத்திற்கு பிறந்தநாள் கொண்டாட ஒரு வேனில் சென்றுகொண்டிருந்தனர்.

அந்த வேன் கண்டபங்குறிச்சி அடுத்த தே.புடையூர் கைகாட்டி அருகே சென்றபோது ஒரு சிறுமி ரோட்டை கடக்க முயன்றுள்ளார். வேன் ஓட்டுனர் சிறுமி மீது மோதாமல் இருப்பதற்கு பிரேக் அடித்து இடதுபுறமாக திருப்பியுள்ளார். திடீரென கட்டுப்பாட்டை இழந்த வேன் அருகே உள்ள புளிய மரத்தில் மோதியது.

இதில் வேனில் பயணம் செய்த 20க்கும் மேற்பட்டோர் பலத்த காயம் அடைந்தனர்.இதுபற்றி தகவல் அறிந்த வேப்பூர் போலீசார் காயம் அடைந்தவர்களை மீட்டு விருத்தாசலம் அரசு மருத்துவமனைக்கு சிகிச்சைக்கு அனுப்பி வைத்தனர். இதுகுறித்து காவல்துறையினர் வழக்குப்பதிவு செய்து விசாரணை நடத்தி வருகின்றனர்.