புரசைவாக்கத்தில் கணவன் மனைவியை கத்தியால் வெட்டிய ரவுடி கைது

சென்னை புரசைவாக்கம் திடீர்நகர் பகுதியில் வசித்து வருபவர்கள் மனோகர் அலமேலு தம்பதியினர். இவர்கள் நேற்று முன்தினம் இரவு வீட்டிற்கு வந்த புரசைவாக்கம் திடீர் நகர் பகுதியைச் சேர்ந்த சிவா 26 என்பவர் அவர்களிடம் தகராறில் ஈடுபட்டுள்ளார்.

அப்போது தனது மனைவி கஞ்சா வழக்கில் கைது செய்யப்பட்டதற்கு நீ தான் காரணம் என்று கூறி அலமேலுவை கத்தியால் தாக்கியுள்ளார். மேலும் இதனை தடுக்க வந்த அவரது கணவர் மனோகரையும் கத்தியால் வெட்டியுள்ளார். இதில் இருவரும் காயமடைந்து அக்கம்பக்கத்தினர் உதவியுடன் கீழ்ப்பாக்கம் அரசு மருத்துவமனையில் சேர்ந்தனர்.

இதுகுறித்து அலமேலு தலைமைச் செயலக காலனி காவல் நிலையத்தில் புகார் அளித்தார். புகாரின்பேரில் வழக்குப்பதிவு செய்த இன்ஸ்பெக்டர் செந்தில்குமார், தலைமறைவாக இருந்த சிவா வயது 26 என்ற நபரை நேற்று காலை கைது செய்தனர்.

அவரிடமிருந்து ஒரு கத்தி பறிமுதல் செய்யப்பட்டது. கைது செய்யப்பட்ட சிவா மீது வழக்கு பதிவு செய்த தலைமைச்செயலக காலனி போலீசார் அவரை நீதிமன்றத்தில் ஆஜர்படுத்தி சிறையில் அடைத்தனர்.