வாக்காளர்களுக்கு பணப்பட்டுவாடா புகார்

பெரம்பூர் வாக்காளர்களுக்கு பணப் பட்டுவாடா புகார் தொடர்பாக, தெற்கு ரயில்வே மஸ்துார் யூனியன் பொதுசெயலாளர் கண்ணையா மகன் பிரகாஷ் வீட்டில், வருமானவரித் துறை அதிகாரிகள் விடிய விடிய சோதனை நடத்தினர். தேர்தலில் வாக்காளர்களுக்கு பணம், பொருட்கள் வழங்குதல், தொடர்பாக வரும் புகார்களை அடுத்து, வருமானவரித் துறையினர், பல்வேறு பகுதிகளில் சோதனை நடத்தி வருகின்றனர்.

தெற்கு ரயில்வே மஸ்துார் யூனியன் பொதுசெயலாளர் கண்ணையாவின் மகன் பிரகாஷ் வீட்டில், பெரம்பூர் வாக்காளர்களுக்கு பணப் பட்டுவாடா செய்ய பணம் பதுக்கி வைத்திருப்பதாக, வருமான வரித்துறையின் கட்டுப்பாட்டு அறைக்கு புகார் வந்தது. இதையடுத்து, பெரம்பூரில் உள்ள பிரகாஷ் வீட்டிலும், அவர் நடத்தி வரும் மென்பொருள் நிறுவனத்திலும், அதிகாரிகள் சோதனை நடத்தினர். ஆனால், பணம் ஏதும் அதிகாரிகளால் பறிமுதல் செய்யப்படவில்லை.