பாஜக சார்பில் வணக்கம் தமிழகம் நூல் வெளியீடு

பிரதமர் மோடியின் 20 ஆண்டு கால பொது வாழ்கையை மையமாக கொண்ட வணக்கம் தமிழகம் என்ற புத்தகம் தயாரானது. இந்த புத்தக வெளியீட்டு விழா சென்னையில் நடைபெற்றது.

இந்த நிகழ்ச்சியில் தமிழக பாஜக தலைவர் அண்ணாமலை வணக்கம் தமிழகதம் புத்தகத்தை வெளியிட்டார். இந்த நிகழ்ச்சியில் கலந்து கொண்ட மத்திய இணை அமைச்சர் எல்.முருகன் பிரதமர் மோடி தனது ஒவ்வொரு உரையிலும் திருக்குறள், பாரதியார் கவிதைகளை குறிப்பிடுவார் என்று தெரிவித்தார்.

தமிழர்கள் வசிக்காத பகுதிகளில் திருக்குறளை குறிப்பிட்டு பிரதமர் பேசுவார் என்று கோவை தெற்கு தொகுதி எம்எல்ஏ வானதி சீனிவாசன் குறிப்பிட்டார். இந்த நிகழ்ச்சியில் ஏராளமான பிஜேபியினர் கலந்து கொண்டனர்.