சென்னையில் இன்று முதல் கூடுதல் ரயில்கள் : மெட்ரோ ரயில் நிர்வாகம் அறிவிப்பு

இதுகுறித்து மெட்ரோ நிர்வாகம் வெளியிட்டுள்ள செய்தி குறிப்பில்,

கொரோனா பரவல் காரணமாக , 21ம் தேதி முதல், 50 சதவீத இருக்கைகளுடன் மெட்ரோ ரயில்கள் இயக்கப்பட்டன. தற்போது, கட்டுப்பாடுகளில் தளர்வு வழங்கப்பட்டுள்ள நிலையில்,

பயணியரின் வேண்டுகோளிற்கு இணங்க, இன்று முதல் காலை 5:30 மணி முதல், இரவு 9:00 மணி வரை, மெட்ரோ ரயில்கள் இயக்கப்படுகின்றன.

காலை 8:00 மணி முதல் 1:00 மணி வரையிலும், மாலை 5:00 மணி முதல் இரவு 8:00 மணி வரையிலும், ஐந்து நிமிட இடைவெளியில் ரயில்கள் இயக்கப்படும்.

மற்ற நேரங்களில், 10 நிமிட இடைவெளியில் ரயில்கள் இயக்கப்படும். பயணியர் கொரோனா கட்டுப்பாட்டு நெறிமுறைகளை கடைபிடிக்க வேண்டும். முக கவசம் அணியாதோருக்கு 200 ரூபாய் அபராதம் வசூலிக்கப்படும். இவ்வாறு அதில் தெரிவிக்கப்பட்டுள்ளது.