தமிழக கடலோர பகுதியில் கன மழை - மீனவர்களுக்கு வானிலை ஆய்வு மையம் எச்சரிக்கை
வளிமண்டல மேலடுக்கு சுழற்சி காரணமாக தமிழக கடலோர பகுதியை ஒட்டி 40 முதல் 50 கிலோ சூறாவளி காற்று மணிக்கு(5.8 கிலோமீட்டர் உயரம்வரை) மீட்டர் வேகத்தில் வீசக்கூடும்.
06.10.2021: நீலகிரி, கிருஷ்ணகிரி, ஈரோடு மாவட்டங்களில் ஓரிரு இடங்களில் இடி மின்னலுடன் கூடிய மிக கன மழையும் , வேலூர், ராணிப்பேட்டை, கோயம்புத்தூர், தேனி, திண்டுக்கல், கன்னியாகுமரி மாவட்டங்களில் ஓரிரு இடங்களில் இடி மின்னலுடன் கூடிய கன மழையும், ஏனைய மாவட்டங்கள் மற்றும் புதுவை, காரைக்கால் பகுதிகளில் பெருமபாலான இடங்களில் இடி மின்னலுடன் கூடிய லேசானது முதல் மிதமான மழையும் பெய்யக்கூடும்.
07.10.2021: வேலூர், ராணிப்பேட்டை, திருவள்ளூர் மாவட்டங்களில் ஓரிரு இடங்களில் இடி மின்னலுடன் கூடிய கன மழையும், கடலோர மாவட்டங்கள் மற்றும் புதுவை, காரைக்கால் பகுதிகளில் அநேக இடங்களில் இடி மின்னலுடன் கூடிய மிதமான மழையும், ஏனைய மாவட்டங்களில் அநேக இடங்களில் இடி மின்னலுடன் கூடிய லேசானது முதல் மிதமான மழையும் பெய்யக்கூடும்.
08.10.2021: மேற்கு தொடர்ச்சி மலையை ஒட்டிய மாவட்டங்கள், கடலோர மாவட்டங்கள், தர்மபுரி, சேலம், ஈரோடு, கிருஷ்ணகிரி மாவட்டங்கள் மற்றும் புதுவை, காரைக்கால் பகுதிகளில் ஒருசில இடங்களில் இடி மின்னலுடன் கூடிய மிதமான மழை பெய்ய கூடும்.
09.10.2021: மேற்கு தொடர்ச்சி மலையை ஒட்டிய மாவட்டங்கள் மற்றும் உள் மாவட்டங்களில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்ய கூடும்.
10.10.2021: வேலூர், ராணிப்பேட்டை, திருவள்ளூர், சேலம், ஈரோடு மாவட்டங்களில் ஓரிரு இடங்களில் இடி மின்னலுடன் கூடிய கன மழையும், மேற்கு தொடர்ச்சி மலையை ஒட்டிய மாவட்டங்கள், வட மாவட்டங்கள் மற்றும் புதுவை, காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழையும் பெய்ய கூடும்.
சென்னையை பொறுத்தவரை
அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒருசில பகுதிகளில் இடிமின்னலுடன் கூடிய லேசானது முதல் மிதமான மழை பெய்ய கூடும்.
அதிகபட்ச வெப்பநிலை 31 மற்றும் குறைந்தபட்ச வெப்பநிலை 25 டிகிரி செல்சியஸை ஒட்டி இருக்கும்.
கடந்த 24 மணி நேரத்தில் பதிவான மழை அளவு (சென்டிமீட்டரில்):
காஞ்சிபுரம் 18, திருத்தணி (திருவள்ளூர்) 12, வெம்பாக்கம் (திருவண்ணாமலை), கேளம்பாக்கம் (செங்கல்பட்டு), தலா 11, செய்யார் (திருவண்ணாமலை), மேற்கு தாம்பரம் (செங்கல்பட்டு) தலா 10, அரக்கோணம் (ராணிப்பேட்டை), கூடலூர் (தேனி), பரமக்குடி (ராமநாதபுரம்), வேப்பூர் (கடலூர்) தலா 9, திருபுவனம் (சிவகங்கை), சோழிங்கநல்லூர் (சென்னை), காட்டுமயிலூர் (கடலூர்) தலா 8, சூரலக்கோடு (கன்னியாகுமரி), மெளலத்தூர் (வேலூர்), நிலக்கோட்டை (திண்டுக்கல்), பேச்சிப்பாறை (கன்னியாகுமரி), சேரன்மகாதேவி (திருநெல்வேலி), அம்பத்தூர் (திருவள்ளூர்) தலா 7, மரக்காணம் (விழுப்புரம்), மகாபலிபுரம் (செங்கல்பட்டு), வால்பாறை (கோவை) தலா 6,
மீனவர்களுக்கான எச்சரிக்கை:
அரபிக்கடல் பகுதிகள் லட்சத்தீவு மற்றும் மாலத்தீவு கடல் பகுதிகளில் சூறாவளி காற்று வீசக்கூடும். மீனவர்கள் இப்பகுதிகளுக்கு செல்ல வேண்டாம் என்று அறிவுறுத்தப்படுகிறார்கள்
