இந்தியாவில் பாஜக ஆட்சியை அகற்றுவது தான் பெரியாருக்கு உண்மையான அஞ்சலி

தந்தை பெரியாரின் 48 ஆம் ஆண்டு நினைவு தினத்தையொட்டி சென்னை வேப்பரியில் உள்ள பெரியார் திடலில் உள்ள நினைவிடத்தில் காங்கிரஸ் முன்னாள் தலைவர் ஈ.வி.கே.எஸ்.இளங்கோவன் மலர் தூவி மரியாதை செலுத்தினார்.

இதனை தொடர்ந்து செய்தியாளர்களிடம் பேசிய ஈ.வி.கே.எஸ்.இளங்கோவன். கூறியதாவது.

பெரியாருக்கு உண்மையான அஞ்சலி என்பது இந்தியாவில் பாஜக ஆட்சியை அகற்றுவது தான் எனவும்.. ஏனென்றால் சாதி மதமற்ற ஒரு சமுதாயத்தை அமைக்க வேண்டும் என்பதற்காக மிகக் கடுமையாக போராடியவர் பெரியார் .

ஆனால் இன்றைக்கு மத்தியில் ஆட்சி செய்கின்ற மோடி அரசு தமிழ்நாட்டில் மட்டுமின்றி இந்தியாவிலும் சாதியாலும் மதத்தாலும் பிரித்து மக்களை ஏமாற்ற வேண்டும் என்று நாடகமாடி கொண்டிருக்கிறார்கள். ஆகவே அதை ஒழிப்பது தான் கடமையாக இருக்க வேண்டும் என இந்த நாளில் உறுதி எடுத்துக் கொள்ள வேண்டும் என அவர் தெரிவித்தார்.