சிறுமிக்கு பாலியல் தொல்லை: தாத்தாவுக்கு 5 ஆண்டுகள் சிறை

சென்னை ராயபுரம், ஆட்டுதொட்டி, ஆஞ்சநேயர் நகரைச் சேர்ந்தவர் கணேசன் 48. இவர், தன் பேத்தி முறை கொண்ட, 9 வயது சிறுமிக்கு கடந்த 2020 ஜூன், 4ம் தேதி பாலியல் தொல்லை கொடுத்துள்ளார். சிறுமியின் தாய் கொடுத்த புகாரில், ராயபுரம் அனைத்து மகளிர் காவல் நிலைய போலீசார் வழக்கு பதிவு செய்து நடத்திய விசாரணையில், கணேசன் சம்பவத்தில் ஈடுபட்டது தெரியவந்தது.

போலீசார் அவரை 'போக்சோ' சட்டத்தில் கைது செய்து சிறையில் அடைத்தனர். சென்னை மகிளா நீதிமன்றத்தில், இந்த வழக்கு நடந்து வந்தது. விசாரணை முடிந்து, நீதிபதி ராஜலட்சுமி, கணேசனுக்கு ஐந்து ஆண்டுகள் சிறை தண்டனையும், ரூ.5 ஆயிரம் ரூபாய் அபராதம் விதித்து தீர்ப்பளித்தார். பாதிக்கப்பட்ட சிறுமிக்கு, ரூ.2 லட்சம் ரூபாய் நஷ்ட ஈடு, அரசு வழங்கவும் உத்தரவிட்டார். போலீசார் கணேசனை கைது செய்து புழல் மத்திய சிறையில் அடைத்தனர்.