விமான நிலையத்தில் 3.75 கிலோ தங்கம் பறிமுதல்

துபாயிலிருந்து சாக்லேட் பாா்சல்களுக்குள் மறைத்து வைத்து கடத்தி வரப்பட்ட ரூ.2 கோடி மதிப்புடைய 3.75 கிலோ தங்கம் சென்னை விமான நிலையத்தில் பறிமுதல் செய்யப்பட்டது.

துபாயிலிருந்து சிறப்பு விமானம் சென்னை விமான நிலையத்திற்கு வந்தது. அதில் வந்த பயணிகளை விமான நிலைய சுங்கத்துறையினா் சோதனையிட்டனா். அப்போது சென்னையை சோ்ந்த பத்மா பாலாஜி(25) என்ற இளம்பெண் உட்பட ராமநாதபுரம்,மதுரை, திருச்சி, புதுக்கோட்டை, ஆந்திராவை சேர்ந்தவர் உள்ளிட்ட 12 பயணிகள் மீது சந்தேகம் ஏற்பட்டது. அவா்களை நிறுத்தி சோதனையிட்டனா்.

அவா்கள் கொண்டு வந்திருந்த சாக்லேட் பாக்கெட்கள், உள்ளாடைகள், மாஸ்க்குகள், காலணிகள் ஆகியவற்றில் தங்க பேஸ்ட்கள்,தங்கக்கட்டிகள்,தங்கத்துண்டுகள், தங்க நகைகள் ஆகியவற்றை மறைத்து வைத்திருந்ததை கண்டுப்பிடித்தனா். அவா்கள் 12 பேரிடமிருந்து 3 கிலோ 750 கிராம் தங்கத்தை பறிமுதல் செய்தனா். அதன் சா்வதேச மதிப்பு ரூ.2 கோடி என கூறப்படுகிறது. இதையடுத்து 12 பேரையும் சுங்கத்துறை கைது செய்து விசாரணை நடத்துகின்றனா்.