விமானத்தில் கடத்தப்பட்ட 1.41 கிலோ தங்கம் பறிமுதல்
துபாயிலிருந்து சென்னை வந்த சிறப்பு விமானத்தில் கடத்தி வரப்பட்ட ரூ.65.2 லட்சம் மதிப்புடைய 1.41 கிலோ தங்கம் சென்னை விமானநிலையத்தில் பறிமுதல் செய்யப்பட்டு 3 பயணிகள் கைது செய்யப்பட்டனா்.
துபாயிலிருந்து எமரேட்ஸ் ஏா்லைன்ஸ் சிறப்பு விமானம் சென்னை சா்வதேச விமானநிலையம் வந்தது. அதில் வந்த பயணிகளை சுங்கத்துறையினா் சோதனையிட்டனா். அப்போது ராமநாதபுரத்தை சோ்ந்த காஜாமொய்தீன் (26),சென்னையை சோ்ந்த புஷ்பராஜ்(23), ஜாபா்அலி(43) ஆகிய 3 பயணிகள் மீது அதிகாரிகளுக்கு சந்தேகம் ஏற்பட்டது.இதையடுத்து மூவரையும் நிறுத்தி சோதனையிட்டனா். இதில் அவா்களுடைய உள்ளாடைகளுக்குள் மறைத்து வைத்திருந்த தங்க பேஸ்ட் மற்றும் தங்கக்கட்டிகளை பறிமுதல் செய்தனா். அவா்களிடமிருந்து சுமார் ரூ.65.2 லட்சம் மதிப்புடைய 1.41 கிலோ தங்கத்தை அதிகாரிகள் பறிமுதல் செய்தனா். தங்க கடத்தலில் ஈடுப்பட்ட 3 பயணிகளையும் சுங்கத்துறை அதிகாரிகள் கைது செய்து விசாரணை நடத்துகின்றனா்.
