கடத்தல் தங்கம் மற்றும் மின்சாதனப் பொருட்கள் சென்னை விமான நிலையத்தில் சிக்கியது

இலங்கையிலிருந்து ஶ்ரீலங்கன் ஏா்லைன்ஸ் சிறப்பு பயணிகள் விமானம் நேற்று நள்ளிரவு சென்னை சா்வதேச விமானநிலையம் வந்தது. அதில் வந்த பயணிகளை சென்னை விமானநிலைய சுங்கத்துறையினா் சோதனையிட்டனா்.அப்போது சென்னையை சோ்ந்த 6 பயணிகள் ஒரு குழுவாக இந்த விமானத்தில் வந்தனா்.சுங்கத்துறையினருக்கு அவா்கள் மீது சந்தேகம் ஏற்பட்டது.

இதையடுத்து அந்த 6 பயணிகளையும் நிறுத்தி விசாரித்தனா்.அப்போது அவா்கள் முன்னுக்குப்பின் முரணாக பேசினா்.இதனால் சந்தேகம் வலுத்தது.இதையடுத்து அவா்களை தனி அறைக்கு அழைத்து சென்று சோதித்தனா்.அவா்களில் 2 போ் தாங்கள் கால்களில் அணிந்திருந்த செருப்புகளில் தங்கப்பசை பாக்கெட்களை மறைத்து வைத்திருந்ததை கண்டுப்பிடித்து பறிமுதல் செய்தனா்.மற்ற 4 பயணிகளின் உள்ளாடைகளுக்குள் தங்கக்கட்டிகள்,சூட்கேஸ்களில் மறைத்து வைத்திருந்த மின்னணு சாதனப்பொருட்களையும் பறிமுதல் செய்தனா்.

6 பயணிகளிடமிருந்து 928 கிராம் தங்கம் மற்றும் மின்னணு சாதனங்களை பறிமுதல் செய்தனா்.அவைகளின் மதிப்பு ரூ.45.5 லட்சம்.இதையடுத்து 6 கடத்தல் பயணிகளையும் சுங்கத்துறை சட்ட விதிகளின்படி கைது செய்து விசாரணை நடத்துகின்றனா்.