தனுஷின் 'நானே வருவேன்' படத்துல இளம் பிக்பாஸ் பிரபலம்
அசுரன், கர்ணன் படங்களை தயாரித்த கலைப்புலி தாணுவின் வி கிரியேஷன்ஸ் தயாரிக்கும் புதிய திரைப்படம் 'நானே வருவேன்'. இயக்குநர் செல்வராகவன் இயக்கத்தில் கடந்த ஆண்டு தொடங்கிய இந்த படத்தில் தனுஷ்க்கு ஜோடியாக மேயாத மான் இந்துஜா நடிக்கிறார். படத்துக்கு யுவன் சங்கர் ராஜா இசையமைக்கிறார். ஒளிப்பதிவாளராக ஓம் பிரகாஷ், எடிட்டராக புவன சுந்தர், கலை இயக்குநராக விஜய் முருகன், சண்டை திலீப் சுப்பராயன் ஆகியோர் பணிபுரிகிறார்கள்.
மிக அண்மையில் நடிகர் தனுஷின் பிறந்தநாளை முன்னிட்டு நானே வருவேன் படக்குழு தனுஷின் லுக் இடம் பெற்ற இப்படத்தின் புதிய போஸ்டரை வெளியிட்டது. 'இறுதிக்கட்ட பணியில்' இப்படத்தின் பணிகள் நடந்துகொண்டிருப்பதாகவும் அந்த போஸ்டரில் தகவல் இடம் பெற்றிருந்தது.
இந்த நிலையில் நானே வருவேன் படத்தில் தனுஷுடன் பிக்பாஸ் பிரபலம் ஒருவர் நடித்துள்ளார். இதுகுறித்து டப்பிங் முடிந்து இயக்குனர் செல்வராகவனுடன் இருக்கும் புகைப்படத்தை அவரே பதிவு செய்துமுள்ளார்.
அவர் தான் பிக்பாஸ் நிகழ்ச்சியில் பங்குபெற்ற ஆஜித். இவர்தான் தற்போது தமது சோசியல் மீடியாவில், "டப்பிங் பணிகள் முடிந்துள்ளது" என குறிப்பிட்டு இயக்குநர் செல்வராகவனுடன் எடுத்துக்கொண்ட புகைப்படத்தை பதிவு செய்துள்ளார்.
இவருடைய இந்த பதிவு தற்போது தனுஷ் மற்றும் செல்வராகவன் ரசிகர்கள் மத்தியில் வைரல் ஆகி வருகிறது.
த்ரில்லர் படமாக உருவாகும் இப்படத்தில் இந்துஜா ரவிச்சந்திரன், எல்லி அவ்ராம் மற்றும் யோகி பாபு ஆகியோர் முக்கிய வேடங்களில் நடித்துள்ளனர்
இப்படத்தில் தனுஷ் இரட்டை வேடத்தில் நடித்துள்ளார். படத்தை விரைவில் திரையரங்குகளுக்கு கொண்டு வர படக்குழுவினர் முழுவீச்சில் பணியாற்றி வருவதாக தகவல் வெளியாகியுள்ளது.
