Kid China-காரில் ஏற்பட்ட கீறலுக்கு மன்னிப்பு கடிதம் எழுதிய சிறுவன்..!

Kid China, Apology Letter,Viral

சீனாவில் நடந்த ஒரு சம்பவத்தில், ஒரு குழந்தை குறிப்பிடத்தக்க அளவு நேர்மை மற்றும் அப்பாவித்தனத்தை வெளிப்படுத்தியது அனைவரையும் கவர்ந்துள்ளது. தகவல்களின்படி,சிறுவர்கள் விளையாடும் போது தவறுதலாக ஒரு கார் மீது சிறிய கீறல் ஏற்பட்டுவிட்டது. சிறுவன் ஓடிவிடாமல், தன் தவறுக்கு பொறுப்பேற்று, கார் உரிமையாளருக்கு ஒரு குறிப்பை எழுதி வைத்தான். அதில் அந்த சேதத்தை "தவணைகளில்" செலுத்த முடியுமா என்று கூட கேட்டிருந்தான், அந்த சிறுவன்.

Kid China

கார் உரிமையாளர், சூ, தனது காரில் ஒரு "சிறிய கீறலை" கண்டுபிடித்தார். மேலும் அது "அதிகமாக இல்லை" என்பதால் அவர் அதில் கவனம் செலுத்தவில்லை என்று சவுத் சைனா மார்னிங் போஸ்ட் (SCMP) தெரிவித்துள்ளது. இருப்பினும், அவர் தனது அபார்ட்மெண்ட்-ஐ விட்டு வெளியேறும்போது, ​​​​பாதுகாவலரிடமிருந்து 50 யுவான் நோட்டைப் பெற்றார்.

Kid China

மன்னிப்புக் கடிதம்:

நேற்று, நான் உங்கள் காரை மரக் குச்சியால் கீறிவிட்டேன். மிகவும் குற்ற உணர்வுடன் இருக்கிறேன். இப்போது என்னிடம் 50 யுவான் மட்டுமே உள்ளது. உங்கள் காரை சரிசெய்ய எவ்வளவு செலவாகும்? நான் தவணைகளில் செலுத்தலாமா? மன்னிக்கவும்” என்று சிறுவன் குறிப்பில் எழுதி இருந்தான்.

முதலில், சூக்கு முழு சம்பவமும் வேடிக்கையாக இருந்தது. "குழந்தை மிகவும் துணிச்சலானது. தனது தவறுக்கு பொறுப்பேற்கத் தயாராக இருப்பதையும் அதற்கான தீர்வை முன்கூட்டியே தேடுவதையும் பின்னர் உணர்ந்தேன். 50 யுவான் போதுமானதாக இல்லாவிட்டால், தவணைகளில் செலுத்தலாம் என்றும் சிறுவன் கடிதத்தில் எழுதி இருந்தான். இது அவர் மிகவும் புத்திசாலித்தனமான குழந்தை என்று என்னை நினைக்க வைத்தது,” என்று சூ கூறினார்.

Kid China

பின்னர் சூ தனது கணவருடன் குழந்தையை சந்தித்தார். அவர் மிகவும் தீவிரமாக கடிதம் எழுதியதால் அவரது மன்னிப்பை ஏற்றுக்கொண்டதாக அவர்கள் அவரிடம் தெரிவித்தனர். "பின்னர், நாங்கள் அந்த சிறுவனிடம், " நீங்கள் மிகவும் நன்றாக நடந்துகொண்தீர்கள்.மேலும் உங்களது செயல்களுக்குப் பொறுப்பேற்கத் தயாராக இருந்தீர்கள். அதனால் உங்களுக்கு வெகுமதியாக 50 யுவான்-ஐ  திரும்பத் தருகிறோம்," என்று சிறுவனிடம் கூறியதாக சூ மேலும் தெரிவித்தார்.

நெட்டிசன்கள் என்ன சொன்னார்கள்?

சிறுவனின் இந்த செயல் விரைவில் சீன சமூக வலை தளமான வெய்போவில் நுழைந்தது என்று SCMP தெரிவித்துள்ளது. எதிர்பார்த்தபடி, இந்த அன்பான கதை மக்களின் இதயங்களை ஈர்த்ததுள்ளது.

Kid China

“அவர் மிகவும் சிரத்தையுடன் கடிதம் எழுதினார். கார் உரிமையாளரும் சிறந்தவர், ”என்று ஒருவர் எழுதினார். "இந்த குழந்தையின் பெற்றோர்கள் சிறந்த மதிப்புகளைக் கொண்டிருக்க வேண்டும்," என்று மற்றொருவர் மேலும் கூறினார். "அழகான குழந்தை, அன்பான கார் உரிமையாளர் மற்றும் ஒரு சரியான முடிவு," மூவரும் அவரவர் சிந்தனையால் ஒன்றாக இணைந்தனர்.