பாலம் இல்லாமல் பள்ளிக்கூடம் செல்ல முடியாத குழந்தைகள்

பாலம் இல்லாமல் பள்ளிக்கூடம் செல்ல முடியாத குழந்தைகள்

நாமக்கல் மாவட்டம், எருமப்பட்டி யூனியனுக்குட்பட்ட பொட்டிரெட்டிப்பட்டி பகுதியில், தும்மங்குட்டை ஆற்றின் குறுக்கே பாலம் அமைக்க வேண்டும் என விவசாயிகள் மற்றும் உள்ளூர் மக்கள் வலியுறுத்தி வருகின்றனர். சுமார் எட்டு ஏக்கர் பரப்பளவிலான தும்மங்குட்டை, கொல்லிமலை பகுதியில் மழை பெய்யும்போது, அங்கிருந்து வரும் பெருக்கெடுத்த நீரை பெற்றுக்கொண்டு, 300 ஏக்கர் நிலங்களை பாசனத்துக்கு பயன்படுகிறது. மலையிலிருந்து பாயும் இந்த தண்ணீர், பூங்காற்றின் வழியாக பெட்டிரெட்டிப்பட்டியில் உள்ள தும்மங்குட்டையை அடைகிறது.

இங்கு, விவசாய நிலங்களுக்கு நடுவே தண்ணீர் ஓடும் ஆறு அமைந்துள்ளதால், விவசாயிகள் மற்றும் கால்நடை மேய்ச்சலுக்குச் செல்லும் மக்களுக்கு தொடர்ந்து சிரமம் ஏற்படுகிறது. மழைக்காலங்களில் தண்ணீர் அதிகமாக வரும் போது, ஆற்றை கடக்க முடியாமல் விவசாயிகள் முழுமையாக சிக்கிக்கொள்கின்றனர். பாடசாலை மாணவர்கள், பண்டிகை நிகழ்வுகளுக்கு செல்லும் பொதுமக்கள், மற்றும் கால்நடை மேய்ச்சல் தொழிலாளர்களும் இந்தக் குறைபாட்டால் கடும் பாதிப்புக்குள்ளாகின்றனர்.

தற்போது, ஆற்றில் தண்ணீர் இல்லாத நிலையில், வரவிருக்கும் மழைக்காலத்துக்கு முன்பே ஒரு பாலம் அமைக்க நடவடிக்கை எடுக்க வேண்டும் என, விவசாயிகள் மற்றும் கிராம மக்கள் அரசுக்கும், அதிகாரிகளுக்கும் கோரிக்கை விடுத்துள்ளனர்.