நான்கு வழிச்சாலை விரிவாக்க பணி தீவிரம்

நான்கு வழிச்சாலை விரிவாக்க பணி தீவிரம்

நாமக்கல் நெடுஞ்சாலை கட்டுமானம் மற்றும் பராமரிப்பு கோட்டத்திற்குட்பட்ட திருச்செங்கோடு மற்றும் பள்ளிப்பாளையம் பிரிவுகளின் கீழ் அமைந்துள்ள ஓமலூர் - சங்ககிரி - திருச்செங்கோடு - பரமத்தி சாலையில், முதல்வரின் சாலை விரிவாக்கத் திட்டத்தின் கீழ், சுமார் 9.15 கிலோமீட்டர் தூரத்திற்கு நான்கு வழிச்சாலையாக சாலை அகலப்படுத்தும் பணி தீவிரமாக நடைபெற்று வருகிறது. திருச்செங்கோடு வேளாண் உற்பத்தியாளர் கூட்டுறவு விற்பனை சங்கம் முதல் சித்தாளந்தூர் வரை நடைபெறும் இந்த பணிக்காக ரூ.59.15 கோடி நிதி ஒதுக்கப்பட்டுள்ளது. இரண்டு மாதங்களுக்கு முன்பு, தமிழக நெடுஞ்சாலைத்துறை அமைச்சர் எ.வெலு அடிக்கல் நாட்டியதையடுத்து, சாலை அகலப்படுத்தும் பணி முழுவீச்சில் முன்னெடுக்கப்பட்டு, மழைநீர் வடிகால் அமைத்தல், சிறுபாலங்கள் விரிவாக்கம் உள்ளிட்ட பணிகளும் அதே சமயத்தில் மேற்பார்வையில் நடைபெற்று வருகிறது. இந்நிலையில், மீன்கிணறு பகுதியில் பணிகளை நேரில் ஆய்வு செய்த நாமக்கல் நெடுஞ்சாலைத் துறை கோட்ட பொறியாளர் திருகுணா, சாலை பணிகள் விரைந்து முடிக்கப்பட வேண்டும் என்றும், அவை விரைவில் பொதுமக்கள் பயன்பாட்டுக்கு வர வேண்டும் எனவும் அறிவுறுத்தினார். இந்த ஆய்வில், உதவி கோட்ட பொறியாளர் நடராசன், உதவி பொறியாளர் பிரதீப் உள்ளிட்டோர் கலந்து கொண்டனர்.