அரசு பள்ளி ஆசிரியர்கள் கண்டன ஆர்ப்பாட்டம்

அரசு பள்ளி ஆசிரியர்கள் கண்டன ஆர்ப்பாட்டம்

மல்லசமுத்திரத்தில் தமிழ்நாடு தொடக்கப்பள்ளி ஆசிரியர் மன்றத்தின் சார்பில், ஏழு அம்ச கோரிக்கைகளை வலியுறுத்தி வட்டார கல்வி அலுவலகம் முன்பு அமைதி மிக்க கண்டன ஆர்ப்பாட்டம் நடைபெற்றது. ஒன்றிய தலைவர் தேவராஜன் தலைமையில் நடந்த இந்த போராட்டத்தில், பணிநிறைவு பெற்ற ஆசிரியர்களுக்கு உரிய காலத்தில் ஓய்வூதியம் மற்றும் அதன் பலன்கள் வழங்கப்பட வேண்டும் என்பதும், தவறான தணிக்கைத்தடை காரணமாக அரசு நிதிக்கு பணம் செலுத்திய பணிநிறைவு ஆசிரியர் மற்றும் ஓய்வூதிய வாரிசுதாரர்களுக்கு உரிய நிவாரணம் வழங்கப்பட வேண்டும் என்பதும் உள்ளிட்ட முக்கிய கோரிக்கைகள் முன்வைக்கப்பட்டன. பின்னர், ஆசிரியர்கள் வட்டார கல்வி அலுவலர்களை நேரில் சந்தித்து கோரிக்கைகள் குறித்து பேச முயன்றும், பதிலளிக்காததால் ஆர்ப்பாட்டம் காத்திருப்பு போராட்டமாக மாறியது. இதனையடுத்து, மாவட்ட தொடக்கப்பள்ளி முதன்மைக்கல்வி அலுவலர் மற்றும் மாவட்ட கல்வி அலுவலர் தொலைபேசி மூலம் பொறுப்பாளர்களுடன் பேச்சுவார்த்தை நடத்தினர். இறுதியாக, இரவு 9:00 மணிக்கு, இரு கோரிக்கைகள் ஏற்கப்பட்டதைக் குறிப்பிட்டு வட்டார கல்வி அலுவலர்கள் எழுத்து மூலம் உறுதி அளித்ததை தொடர்ந்து, காத்திருப்பு போராட்டம் நிறைவடைந்தது.