பேக்கரி, ஓட்டல்களில் மயோனைஸ் விற்பனை செய்ய லைசென்ஸ் பெற அறிவுரை

பேக்கரி, ஓட்டல்களில் மயோனைஸ் விற்பனை செய்ய லைசென்ஸ் பெற அறிவுரை

நாமக்கல் கலெக்டர் உமா, பேக்கரி மற்றும் ஓட்டல்களில் மயோனைஸ் தயாரித்து விற்பனை செய்வதற்கு உரிய லைசென்ஸ் பெற்று, கிருமி நீக்கம் செய்யப்பட்டு, பதப்படுத்தப்பட்ட முட்டைகளிலிருந்து தான் மயோனைஸ் தயாரிக்க வேண்டும் என அறிவுரை வழங்கியுள்ளார். அவர் வெளியிட்ட அறிக்கையில், "கிருமி நீக்கம் செய்யப்படாத பச்சை முட்டைகளில் இருந்து மயோனைஸ் தயாரிக்கும் போது, பச்சை முட்டையில் இயல்பாகவே காணப்படும் சால்மோனெல்லா, லிஸ்ட்டீரியா போன்ற பாக்டீரியா கிருமிகள் மயோனைஸ் போன்ற உணவுப் பொருளில் சேர்ந்து, அதனை சாப்பிடுபவர்களுக்கு வயிற்றுப்போக்கு, டைபாய்டு உள்ளிட்ட நோய்கள் ஏற்பட வாய்ப்பு உள்ளது" என தெரிவித்துள்ளார்.

இதனால், கிருமி நீக்கம் செய்யப்படாத பச்சை முட்டைகளிலிருந்து மயோனைஸ் தயாரிப்பது தமிழக அரசு தடை செய்துள்ளதாக அவர் கூறியுள்ளார். கடந்த ஏப்ரல் 8 முதல் இந்த தடை நடைமுறைப்படுத்தப்பட்டது. மேலும், விதிமுறை மீறி, கிருமி நீக்கம் செய்யப்படாத பச்சை முட்டையிலிருந்து மயோனைஸ் தயாரிக்கும், விற்பனை செய்யும் வணிக நடவடிக்கைகள் கண்டறியப்பட்டால், அவர்களது மீது சட்டப்படி கடுமையான நடவடிக்கைகள் எடுக்கப்படும் என எச்சரிக்கையுடன் அவர் கூறினார்.

இருப்பினும், மயோனைஸ் பிரியர்களுக்கான மாற்று தீர்வாக, கிருமி நீக்கம் செய்யப்பட்டு, பதப்படுத்தப்பட்ட முட்டைகளிலிருந்து தயாரிக்கப்பட்ட மயோனைஸ் அல்லது முட்டை கலக்காத சைவ மயோனைஸ் தயாரிப்பதற்கு எந்தவித தடையும் இல்லை. அதேபோல, வணிகர்கள், லைசென்ஸ் பெற்றால் மட்டுமே மயோனைஸ் தயாரித்து விற்பனை செய்யலாம் என்றும், லைசென்ஸ் இல்லாமல் மயோனைஸ் தயாரித்தாலும், விற்பனையாவது செய்தாலும் சட்டப்படி நடவடிக்கை எடுக்கப்படும் என அறிவிக்கப்பட்டுள்ளது.

எந்தவொரு புகாரும் இருந்தால், நுகர்வோர் 9444042322 என்ற வாட்ஸ்அப் எண்ணில் புகார் அளிக்கலாம் என்றும் கலெக்டர் உமா தெரிவித்தார்.