நீட் தேர்வு மையம் தவறிவிட்ட மாணவிக்கு உதவி

நீட் தேர்வு மையம் தவறிவிட்ட மாணவிக்கு உதவி

குமாரபாளையம்: நீட் தேர்வு எழுதுவதற்கான தேர்வு மையங்கள், அரசு ஆண்கள் மேல்நிலைப்பள்ளி, பெண்கள் மாதிரி மேல்நிலைப்பள்ளி, மற்றும் அரசு கலை அறிவியல் கல்லுாரி என மூன்று மையங்களாக அமைக்கப்பட்டிருந்தன. நேற்று மதியத்தில், மாணவர்கள் தங்கள் நுழைவு சீட்டுகளை காட்டி, அந்தந்த மையங்களில் உள்ளே அனுமதிக்கப்பட்டனர். தேர்வு துவங்குவதற்கான நேரம் 1:30 மணிக்கு கிட்டத்தட்ட 3 நிமிடங்கள் மட்டுமே இருந்த நிலையில், ராசிபுரம், காளப்பநாயக்கன்பட்டி பகுதிக்கு சேர்ந்த மோகனாஸ்ரீ என்ற மாணவி, தவறுதலாக, அரசு கலை அறிவியல் கல்லுாரி மையத்திற்கு செல்லாமல், அரசு மாதிரி பெண்கள் மேல்நிலைப்பள்ளி தேர்வு மையத்திற்கு வந்து விட்டார்.

இந்த குறைபாடை கண்டறிந்த அலுவலர்கள், மாணவியிடம் தேர்வு மையம் தவறாக வந்துள்ளதை தெரிவித்தனர். இதனால், மாணவி மற்றும் அவரது தாய் கதறி அழ ஆரம்பித்தனர். இதனை கவனித்த குமாரபாளையம் இன்ஸ்பெக்டர் தவமணி, உடனடியாக அந்த மாணவியை போலீஸ் வாகனத்தில் அமர வைத்து, சரியான நேரத்தில் அரசு கலை அறிவியல் கல்லுாரி மையத்திற்கு அனுப்பி வைத்தார். இந்த செயலுக்காக, மாணவியின் பெற்றோர் இன்ஸ்பெக்டருக்கு பாராட்டு தெரிவித்தனர்.