கல்யாண விநாயகர் சன்னதியில் சதுர்த்தி சிறப்பு வழிபாடு

கல்யாண விநாயகர் சன்னதியில் சதுர்த்தி சிறப்பு வழிபாடு

சங்கடஹர சதுர்த்தியை முன்னிட்டு குமாரபாளையம் மற்றும் அதன் சுற்றுவட்டாரப் பகுதிகளில் உள்ள பிரசித்திப் பெற்ற கோவில்களில் விநாயகர் சுவாமிக்கு சிறப்பு வழிபாடுகள் சிறப்பாக நடைபெற்றன. குமாரபாளையம் திருவள்ளுவர் நகர் மங்களாம்பிகை மகேஸ்வரர் கோவிலில் உள்ள கல்யாண விநாயகர் சன்னதியில், பக்தர்கள் நீண்ட வரிசையில் திரண்டு நின்று தரிசனம் செய்தனர். விநாயகருக்கு பஞ்சாமிர்த அபிஷேகம், சந்தனம், பூ அலங்காரம், தீபாராதனை உள்ளிட்ட பல்வேறு சிறப்பு வழிபாடுகள் நடைபெற்றன.

இதே போல், சேலம் சாலை, ராஜா வீதி சவுண்டம்மன் கோவில், சின்னப்பநாயக்கன்பாளையம், காந்தி நகர் அங்காளம்மன் கோவில், உடையார்பேட்டை ராஜவிநாயகர் கோவில், கோட்டைமேடு சிவன் கோவில், கத்தேரி சமத்துவபுரம் அருகே உள்ள சிவபுரம் சிவன் கோவில் மற்றும் கள்ளிபாளையம் சிவன் கோவில் உள்ளிட்ட பல்வேறு கோவில்களிலும் விநாயகர் சுவாமிக்கு நெய்விளக்கு ஏற்றப்பட்டு, மகா தீபாராதனை வழங்கப்பட்டு, பக்தர்களுக்கு பிரசாதம் வழங்கப்பட்டது.

பக்தர்கள் சதுர்த்தி விரதம் கடைப்பிடித்து, சங்கடங்கள் நீங்கி மன நிம்மதி பெறும் நோக்கில் ஆராதனையில் ஈடுபட்டனர். குடும்பத்துடன் வந்த பக்தர்கள், விநாயகரின் அருளை வேண்டி, தீபம் ஏற்றி, பிரார்த்தனை செய்தனர். கோவில்களில் எங்கும் ஆன்மிகத்துடன் ஆனந்தம் ததும்பிய காட்சிகள் காணப்பட்டன.