ராசிபுரம்–ஆத்தூர் சாலையில் ரிப்ளக்டர் பொருத்தும் பணி தீவிரம்

ராசிபுரம்–ஆத்தூர் சாலையில் ரிப்ளக்டர் பொருத்தும் பணி தீவிரம்

ராசிபுரம் நெடுஞ்சாலைத்துறையின் ஒருங்கிணைந்த சாலை உள்கட்டமைப்பு மேம்பாட்டு திட்டத்தின் கீழ், ராசிபுரம் முதல் ஆத்தூர் வரை செல்லும் முக்கிய சாலையில் மேம்பாட்டு பணிகள் விறுவிறுப்பாக நடைபெற்று வருகின்றன. இந்தப் பணி, காக்காவேரியில் இருந்து சீராப்பள்ளி வரை, 3.371 கோடி ரூபாய் மதிப்பீட்டில் மேற்கொள்ளப்பட்டுள்ளது.

இதன் மூலம், முன்பு 7 மீட்டராக இருந்த சாலை அகலம், தற்போது 10 மீட்டராக விரிவாக்கம் செய்யப்பட்டுள்ளது. கடந்த வாரம், இந்தப் புதிய சாலையில் வெள்ளைக் கோடுகள் மற்றும் மைய கோடுகள் அமைக்கும் பணி நிறைவு செய்யப்பட்டது.

இதனடிப்படையில், நேற்று ரிப்ளக்டர் பொருத்தும் பணி நடைபெற்றது. குறிப்பாக, தனியார் கல்லூரி மற்றும் நகர பகுதி அருகே பொதுமக்கள் சாலையை கடக்கும் இடங்களில், மஞ்சள், வெள்ளை மற்றும் சிகப்பு நிறங்களில் 'ரிப்ளக்டர்'கள் பொருத்தப்பட்டன.

இந்த ரிப்ளக்டர்கள், இரவில் வாகன ஓட்டிகளுக்குச் சாலை வழித்தடங்களை தெளிவாக காட்டும் வகையில் அமைக்கப்பட்டு, சாலையோர பாதுகாப்பை அதிகரிக்கின்றன. மேம்பட்ட இந்த உள்கட்டமைப்பு பணிகள், பொதுமக்களுக்கும் வாகன ஓட்டிகளுக்கும் பாதுகாப்பான பயண அனுபவத்தை உருவாக்குவதில் முக்கிய பங்காற்றும் என எதிர்பார்க்கப்படுகிறது.