வந்தவாசியில் தேசிய ஒற்றுமை தின விழிப்புணர்வு நிகழ்ச்சி

திருவண்ணாமலை மாவட்டம் வந்தவாசியில், இந்தியாவின் 75வது சுதந்திர தினக் கொண்டாட்டம்,  தூய்மை இந்தியா இயக்கம்  மற்றும் தேசிய ஒற்றுமை தினம் சிறப்பு விழிப்புணர்வு நிகழ்ச்சி நடைபெற்றது.

திருவண்ணாமலை மக்கள் தொடர்பு கள விளம்பர அலுவலகம்,  ஸ்ரீஅகிலாண்டேஸ்வரி மகளிர் கல்லூரி சார்பில் நடைபெற்ற இந்நிகழ்வில்,  கல்லூரி முதல்வர் தலைமை தாங்கினார். வட்டாட்சியர் முருகானந்தம்,  வட்டார மருத்துவ அலுவலர் ஆனந்தன் ஆகியோர் முன்னிலை வகித்தனர்.

இந்நிகழ்ச்சியில்,  கள விளம்பர சென்னை மண்டல இயக்குனர் காமராஜ் சிறப்பு விருந்தினராக கலந்துகொண்டு,  ஓவியப் போட்டியில் வெற்றி பெற்ற மாணவிகளுக்கு பரிசுகள் பாராட்டு சான்றிதழ்கள் வழங்கி சிறப்புரையாற்றினார். இதில், வந்தவாசி ஒன்றிய தலைவர், மருத்துவ வட்டார அலுவலர்கள்,  பெற்றோர்கள்,  மாணவ மாணவியர்கள் கலந்து கொண்டனர்.