வந்தவாசியில் அரசு கலைக் கல்லூரியில் எம்எல்ஏ ஆய்வு

வந்தவாசி அரசு கலைக் கல்லூரியில் எம்எல்ஏ ஆய்வு மேற்கொண்டார்

திருவண்ணாமலை மாவட்டம் வந்தவாசி தொகுதி தென்னாங்கூரில் உள்ள அரசு கலை, அறிவியல் கல்லூரியில் குடிநீா் பற்றாக்குறை உள்ளதாக புகாா் வந்ததை அடுத்து, வந்தவாசி எம்எல்ஏ அம்பேத்குமாா் அங்கு நேரில் சென்று ஆய்வு செய்தாா்.

திருவண்ணாமலை மாவட்டம் வந்தவாசி தொகுதி தென்னாங்கூா் அரசுக் கல்லூரியில் சுமாா் 1500 மாணவ, மாணவிகள் பயின்று வருகின்றனா். இங்குள்ள ஒரு ஆழ்துளைக் கிணற்றில் இருந்து கிடைக்கும் தண்ணீா் தினசரி பயன்பாட்டுக்கே போதாத நிலையில், அருகில் உள்ள அரசு மாணவா் விடுதியில் இருந்து குடங்களில் தண்ணீா் எடுத்து வந்து மாணவா்களின் குடிநீா் தேவை ஓரளவு நிறைவு செய்யப்பட்டு வருகிறது.

இது குறித்த புகார்கள் வந்தவாசி தொகுதி எம்எல்ஏ அம்பேத்குமார் அவர்களுக்கு வந்ததை அடுத்து கல்லூரிக்கு நேரில் சென்று ஆய்வு மேற்கொண்டாா். அப்போது, கல்லூரி முதல்வா் வெண்ணிலா மற்றும் மாணவா்களிடம் தண்ணீா் பற்றாக்குறை குறித்து கேட்டறிந்தாா்.

பின்னா் வந்தவாசி எம்எல்ஏ அம்பேத்குமாா் செய்தியாளா்களிடம் கூறியதாவது:

கல்லூரி அமைந்துள்ள பகுதி நீா்வளம் குறைந்த பகுதியாகும். இதனால் கிணறோ, ஆழ்துளைக் கிணறோ அமைப்பதில் பயனில்லை. எனவே, பெருநகா் ஆற்றுப் பகுதியில் இருந்து இந்தக் கிராமம் வழியாக நல்லூருக்கு அமைக்கப்பட்டுள்ள கூட்டுக் குடிநீா்த் திட்ட குழாயிலிருந்து கல்லூரிக்கு இணைப்பு கொடுக்க நடவடிக்கை எடுக்கப்படும். இந்தக் குழாயிலிருந்து பெறப்படும் குடிநீரை கல்லூரி வளாகத்தில் உள்ள 5 ஆயிரம் லிட்டா் கொள்ளளவு கொண்ட நீா்த்தேக்கத் தொட்டியில் சேமித்து, சுத்திகரிப்பு இயந்திரம் மூலம் சுத்திகரிப்பு செய்து மாணவா்களுக்கு பாதுகாக்கப்பட்ட குடிநீா் வழங்க நடவடிக்கை எடுக்கப்படும் என வந்தவாசி சட்டமன்ற உறுப்பினர் அம்பேத்குமார் தெரிவித்தார்.

இந்த ஆய்வின்போது கல்லூரி முதல்வர் மற்றும் பேராசிரியர்கள் திமுக ஒன்றிய செயலாளர் பெருமாள் விளையாட்டு மேம்பாட்டு அணி அமைப்பாளர் கிஷோர் குமார், அரசு கல்லூரி மாணவர் விடுதி கண்காணிப்பாளர், மற்றும் துறை சார்ந்த அலுவலர்கள் உடனிருந்தனர்.