தொகுப்பு வீட்டின் சிமெண்ட் பூச்சு பெயர்ந்து விழுந்ததில் மாணவி காயம்

வந்தவாசி அருகே அரசு தொகுப்பு வீட்டின் மேல்கூரை சிமென்ட் பூச்சு பெயா்ந்து விழுந்ததில் கல்லூரி மாணவி காயமடைந்தாா்.

திருவண்ணாமலை மாவட்டம் வந்தவாசி வட்டத்துக்கு உட்பட்ட மாணிக்கமங்கலம் கிராமத்தைச் சோந்தவா் செந்தில்குமாா். இவரது மனைவி வாசுகி. இவா்களது மகள் செவ்வந்தி(18) தனியாா் செவிலியா் கல்லூரியில் முதலாமாண்டு படித்து வருகிறாா்.

செந்தில்குமார் குடும்பத்துடன் அரசு தொகுப்பு வீட்டில் வசித்து வருகிறார். இந்த நிலையில், 3 பேரும் வீட்டிலிருந்தபோது, வீட்டு மேல்கூரையின் உள்புற சிமென்ட் பூச்சு பெயா்ந்து கீழே விழுந்தது.

இதில் செவ்வந்திக்கு கையில் லேசான காயம் ஏற்பட்டது. இதுகுறித்து அந்தப் பகுதி பொதுமக்கள் கூறியதாவது:-

கடந்த 25 ஆண்டுகளுக்கு முன்பு இந்தப் பகுதியில் பொதுமக்களுக்கு அரசின் தொகுப்பு வீடுகள் கட்டித் தரப்பட்டன. இந்த வீடுகள் சேதமடைந்த நிலையில் உள்ளதால் சீரமைத்து தரும்படி பெரணமல்லூா் ஒன்றிய அதிகாரிகளிடம் கடந்த சில ஆண்டுகளாகவே புகாா் தெரிவித்து வருகிறோம். ஆனால், இதுவரை எந்தவித நடவடிக்கையும் எடுக்கப்படவில்லை.

செந்தில்குமாா் வீட்டில் மேல்கூரை சிமென்ட் பூச்சு பெயா்ந்து விழுந்த சம்பவம் பகலில் நடக்கவே காயத்தோடு போனது. இதே சம்பவம் இரவு தூங்கும்போது நடந்திருந்தால் உயிரிழப்பு ஏற்பட்டிருக்கவும் வாய்ப்புள்ளது. எனவே, இந்த பகுதியில் உள்ள தொகுப்பு வீடுகளை அதிகாரிகள் உடனடியாக ஆய்வு செய்யவேண்டும். இதே போல்  சேதமடைந்த வீடுகளை இடித்துவிட்டு புதிதாக வீடுகள் கட்டித்தர மாவட்ட நிா்வாகம் நடவடிக்கை எடுக்க வேண்டும்.  இது உயிர் சம்பந்தமான பிரச்சினை என்பதால் உடனடியாக இந்த பணியை தொடங்க வேண்டும்.

இவ்வாறு அவர்கள் கூறினார்கள்.