திருப்பூர், ஈரோடு வழி கொங்கு எக்ஸ்பிரஸ், ஜன. 21, 28ம் தேதிகளில் ரத்து

Tirupur News,Tirupur News Today- வடக்கு மத்திய ரயில்வேக்கு உட்பட்ட ஆக்ரா - மதுரா வழித்தடத்தில் யார்டு மறுவடிவமைப்பு பணி நடக்கிறது.இதனால் கேரளா மற்றும் தமிழகத்தில் இருந்து வடமாநிலங்கள் வழியாக பயணிக்கும் 38 ரயில்கள் ரத்து செய்யப்பட்டுள்ளன.

8 ரயில்கள் வழித்தடம் 2024 ஜனவரி மற்றும் பிப்ரவரி மாதங்களில் மாற்றப்பட்டுள்ளது. எர்ணாகுளம் - ஹஸ்ரத் நிஜாமுதீன் மில்லேனியம் எக்ஸ்பிரஸ் (எண்:12645) 2024 ஜனவரி 6, 13, 20, 27 மற்றும், பிப்ரவரி 3 -ம் தேதி, மறுமார்க்கமாக நிஜாமுதீன் - எர்ணாகுளம் ரயில் (எண்:12646) ஜனவரி 9, 16, 23, 30 பிப்ரவரி 6-ம்தேதி முழுவதும் ரத்து செய்யப்படுகிறது.

வைஷ்ணவி தேவி கோவில் - கன்னியாகுமரி ஹிம்சாகர் எக்ஸ்பிரஸ் (எண்:16318) ஜனவரி 15, 22, 29, பிப்ரவரி 5-ம் தேதியும், மறுமார்க்கமாக கன்னியாகுமரி - கட்ரா ரயில் (எண்:16317) ஜனவரி 12, 19, 26, பிப்ரவரி 2-ம் தேதி முழுவதும் ரத்தாகிறது.

கோவையில் இருந்து புறப்பட்டு திருப்பூர், ஈரோடு வழியாக பயணிக்கும் கொங்கு எக்ஸ்பிரஸ் (எண்:12647) 2024 ஜனவரி 21, 28-ம்தேதி, மறுமார்க்கமாக கோவை வருகையில் ஜனவரி 24, 31-ம் தேதி முழுவதும் ரத்து செய்யப்படுகிறது.

திருவனந்தபுரம் - புதுடெல்லி கேரளா எக்ஸ்பிரஸ் (எண்:12625) ஜனவரி 27, பிப்ரவரி 3-ம்தேதி ரத்தாகிறது. திருவனந்தபுரம் திரும்பும் ரயில் (எண்:12626) ஜனவரி 29, பிப்ரவரி 5-ம் தேதி ரத்து செய்யப்படுகிறது.இத்துடன் சென்னை, மதுரை, நெல்லையில் இருந்து வடமாநிலங்களுக்கு பயணிக்கும் 38 ரயில்களும் ரத்து செய்யப்பட்டுள்ளது.

இத்தகவலை சேலம் கோட்ட அதிகாரிகள் தெரிவித்துள்ளனர்.