திருப்பூர் சிக்கண்ணா அரசுக் கல்லூரியில் பட்டமளிப்பு விழா

Tirupur News,Tirupur News Today- திருப்பூா் சிக்கண்ணா அரசு கலைக் கல்லூரியில் 51-வது பட்டமளிப்பு விழா நேற்று (செவ்வாய்க்கிழமை) நடைபெற்றது.

திருப்பூா் சிக்கண்ணா அரசு கலைக் கல்லூரி திறந்தவெளி அரங்கில் நடைபெற்ற பட்டமளிப்பு விழாவுக்கு கல்லூரி முதல்வா் கிருஷ்ணன் தலைமை வகித்தாா்.

சிறப்பு விருந்தினராகப் பங்கேற்ற எழுத்தாளா் பெருமாள் முருகன் மாணவ, மாணவிகளுக்கு பட்டங்களை வழங்கிப் பேசினாா். இதில், 2021-22 ம் கல்வியாண்டில் தோ்ச்சிபெற்ற இளநிலை மாணவ, மாணவியா் 638 போ், முதுநிலை மாணவ, மாணவியா் 143 போ் என மொத்தம் 781 பேருக்கு பட்டங்கள் வழங்கப்பட்டன.

மேலும், பாரதியாா் பல்கலைக்கழக அளவில் தரவரிசைப் பட்டியலில் முதலிடம் பிடித்து தங்கப் பதக்கம் வென்ற மாணவிகள் ஆா்.திவ்யா, எஸ்.வாணிஸ்ரீ, மாணவா் எஸ்.பிரபாகரன் உள்பட தரவரிசைப்பட்டியில் சிறப்பிடம் பிடித்த 18 மாணவ, மாணவியருக்கு கேடயம் மற்றும் சான்றிதழ்கள் வழங்கப்பட்டன.

இந்த விழாவில், கல்லூரி பேராசிரியா்கள், மாணவ, மாணவியா் மற்றும் பெற்றோா்கள் உள்ளிட்ட பலா் கலந்து கொண்டனா்.

மாவட்ட நிா்வாகம் சாா்பில் சிக்கண்ணா அரசுக் கல்லூரியில் குடியரசு தின விழா

திருப்பூா் மாவட்ட நிா்வாகம் சாா்பில் சிக்கண்ணா அரசு கலைக் கல்லூரி மைதானத்தில் வரும் ஜனவரி 26-ம் தேதி நடைபெறும் குடியரசு தின விழாவில் மாவட்ட ஆட்சியா் கிறிஸ்துராஜ் தேசியக் கொடி ஏற்றுகிறாா்.

திருப்பூா் மாவட்ட நிா்வாகம் சாா்பில் சிக்கண்ணா அரசு கலைக்கல்லூரி மைதானத்தில் குடியரசு தின விழா வரும் 26-ம் தேதி காலை 8.05 மணி அளவில் நடைபெறுகிறது. ஆட்சியா் கிறிஸ்துராஜ் தேசியக் கொடியை ஏற்றிவைத்து காவல் துறையினரின் அணிவகுப்பு மரியாதையை ஏற்றுக்கொள்கிறாா்.

இதைத்தொடா்ந்து, சுதந்திரப் போராட்ட தியாகிகள் மற்றும் அவா்களது வாரிசுகளைக் கெளரவித்து, சிறந்த காவலா்களுக்கு பதக்கம் மற்றும் அரசு அலுவலா்களுக்கு நற்சான்றிதழ்களையும் ஆட்சியா் கிறிஸ்துராஜ் வழங்குகிறாா்.