பிரிட்டன் பிரைமாா்க் நிறுவனக் குழு, திருப்பூா் ஏற்றுமதியாளா் சங்க நிா்வாகிகள் சந்திப்பு

Tirupur News,Tirupur News Today- பிரிட்டனை சோ்ந்த பிரைமாா்க் நிறுவனக் குழுவினா் திருப்பூா் ஏற்றுமதியாளா்கள் சங்க நிா்வாகிகளை சந்தித்து ஆலோசனை நடத்தினா்.

பிரிட்டனின் முன்னணி ஆயத்த ஆடை வா்த்தக நிறுவனமான பிரைமாா்க் நிறுவனத்தின் வளம் குன்றா வளா்ச்சிக் கோட்பாட்டினைக் கையாளும் குழுவினா் திருப்பூா் ஏற்றுமதியாளா்கள் சங்க நிா்வாகிகளை நேற்று சந்தித்து ஆலோசனையில் ஈடுபட்டனா்.

இதில், பிரைமாா்க் நிறுவனத்தின் பீஓங், ஜோகன்னா வில்சன், அபிரூதன், ரூத் மாா்டின் ஆகியோா் பங்கேற்றனா். இந்தக் குழுவினரை திருப்பூா் ஏற்றுமதியாளா்கள் சங்கத்தின் தலைவா் கே.எம்.சுப்பிரமணியன் வரவேற்றுப் பேசினாா்.

இதைத் தொடா்ந்து, சங்கத்தின் துணைத் தலைவரும், திருப்பூா் தொழில் வளம் பங்களிப்போா் அமைப்பினா் தலைவருமான இளங்கோவன், பொதுச் செயலாளா் திருக்குமரன், இணைச்செயலாளா் குமாா் துரைசாமி ஆகியோா் பேசினா்.

திருப்பூா் கிளஸ்டரில் வளம் குன்றா வளா்ச்சி உற்பத்தி கோட்பாட்டின்கீழ் எந்த மாதிரியான நடவடிக்கைகள் எடுக்கப்படுகிறது என்பதையும், பின்னலாடை ஏற்றுமதி நிறுவனங்களில் பெண்களுக்கான பங்களிப்பு, வடமாநிலத் தொழிலாளா்களுக்கான பாதுகாப்பு, நிறுவனங்கள் சாா்பில் சமூகத்துக்கான பங்களிப்பு உள்ளிட்ட பல்வேறு விவரங்கள் விளக்கமாக எடுத்துரைக்கப்பட்டன.

மேலும், குளங்கள் தூா்வாருதல், மரம் நடுதல், மரபுசாரா மின் உற்பத்தி, பூஜ்யநிலை சுத்திகரிப்பு, சாலை வசதி உள்ளிட்டவற்றில் ஏற்றுமதியாளா்களின் பங்கு குறித்தும் எடுத்துரைக்கப்பட்டது.

இந்த சந்திப்பானது திருப்பூா் பின்னலாடை ஏற்றுமதியின் வளா்ச்சிக்கு உதவும் என்று சங்க நிா்வாகிகள் தெரிவித்தனா். இக்கூட்டத்தில் சங்கத்தின் செயற்குழு உறுப்பினா் மேழிசெல்வன் உள்ளிட்ட நிா்வாகிகள் பங்கேற்றனா்.