நெல்லை அரசு அருங்காட்சியகத்தில் மாணவர்களுக்கு இணையவழியில் ஓவியப் பயிற்சி அளிப்பு
தமிழகத்தின் பல்வேறு மாவட்டங்களை சேர்ந்த ஏராளமான பள்ளி மாணவ, மாணவியர் மற்றும் மகளிர் மிகவும் ஆர்வத்துடன் இப்பயிற்சியில் கலந்து கொண்டனர்;
நெல்லை அரசு அருங்காட்சியகம் மற்றும் NPNK கலை பண்பாடு மன்றம் இணைந்து நடத்திய இணையவழி ஓவியப் பயிற்சி நடைபெற்றது.
அரசு அருங்காட்சியகத்தில் நடைபெற்ற இணையவழி ஓவிய பயிற்சியில் எளிய முறையில் ஆயில் பேஸ்டல் வகை ஓவியம் தொடர்பான பயிற்சி அளிக்கப்பட்டது. இப்பயிற்சி அரசு அருங்காட்சியக காப்பாட்சியர் சத்தியவள்ளி துவங்கி வைத்தார். இப்பயிற்சியினை, நெல்லை மாவட்ட கவின்கலை ஆசிரியர், ஸ்ரீ கலாவிருட்சம், அகாதெமியை சார்ந்த கலைவளர்மணி ரஞ்சித் குமார் ஆகியோர் நடத்தினர்.
தமிழகத்தின் பல்வேறு மாவ்ட்டங்களை சேர்ந்த ஏராளமான பள்ளி மாணவ- மாணவியர் மற்றும் மகளிர் மிகவும் ஆர்வத்துடன் இப்பயிற்சியில் கலந்து கொண்டனர். NPNK கலை பண்பாடு மன்றத்தின் ஒருங்கிணைப்பாளர் மு.வெ.ரா. ஒருங்கிணைத்து நடத்தினார்.