அரசு அருங்காட்சியகத்தில் பெண்களுக்கான இலவச கைவினை பயிற்சி

நெல்லை அரசு அருங்காட்சியகமும் ஜே.சி. ஐ டைகூன் அமைப்பும் இணைந்து ஒவ்வொரு வியாழக்கிழமையும் பெண்களுக்கான இலவச கைவினை பயிற்சி வகுப்புகள் நடத்தி வருகின்றன. இன்று பனை ஓலை கொண்டு பொருள்கள் தயாரிக்கும் பயிற்சி நடத்தப்பட்டது.

இப்பயிற்சியினை நெல்லை மாவட்ட காப்பாட்சியர் சிவ. சத்தியவள்ளி துவங்கி வைத்தார். பனை ஓலை பயிற்சியாளர் பேச்சியம்மாள் இப் பயிற்சியினை நடத்தினார்.

இப்பயிற்சியில் ஏராளமான பெண்கள் ஆர்வத்துடன் கலந்து கொண்டு பனை ஓலை கொண்டு மிட்டாய் பெட்டி தயாரிக்கும் பயிற்சியினை மேற்கொண்டனர். நிகழ்ச்சியில் ஜே.சி. ஐ. அமைப்பை சார்ந்த பிரமு, சுப்புலக்ஷ்மி, மற்றும் முருகானந்தம் ஆகியோர் கலந்து கொண்டனர்.