உதயநிதி பிறந்த நாள்: இலவசமாக 3 நாட்களுக்கு மாவு மசால் கொடுத்த திமுகவினர்

கடையநல்லூர் உதயநிதி ஸ்டாலின் பிறந்த நாளில் மாவு அரை மில்லில் மூன்று நாட்களுக்கு மாவு மசால் இலவசமாக அரைத்து கொடுத்து பிறந்த நாள் கொண்டாடினர்கள்.

தென்காசி மாவட்டம் கடையநல்லூர் அருகே உள்ள மங்களாபுரம் பகுதியில் உள்ள உஸ்மான் என்பவரின் மாவு மசாலா அரவை மில்லில் திமுக மாநில இளைஞர் அணி தலைவரும் சேப்பாக்கம் சட்டமன்ற உறுப்பினருமான உதயநிதி ஸ்டாலின் 44வது பிறந்த நாளான இன்று அரவை மில்லுக்கு வரும் அனைத்து மக்களுக்கு இன்று முதல் மூன்று நாட்களுக்கு மாவு மசாலா இலவசமாக அரைத்துக் கொடுக்கப்படுகிறது. மேலும் 600 நபர்களுக்கு ஒரு கிலோ கோதுமை பாக்கெட் வீதம் சுமார் 600 கிலோ கோதுமை மாவு இலவசமாக வழங்கினர்.

இந்நிலையில் இதே போன்று கடையநல்லூர் அரசு மருத்துவமனையில் இன்று பிறந்த இரண்டு குழந்தைகளுக்கு நகர கழக சார்பில் சேகனா தலைமையில் மோதிரம் வழங்க ஏற்பாடு செய்யப்பட்டிருந்தது. இதில் வடக்கு மாவட்ட செயலாளர் செல்லத்துரை கலந்து கொண்டு இன்று பிறந்த குழந்தைகளுக்கு மோதிரம் அணிவித்தார். அதன் பின்னர் மருத்துவமனையில் இருந்த நோயளிகளுக்கு பால், பிரட், பழங்கள் வழங்கி பிறந்த நாளை கொண்டாடினர்.