தமிழக முதல்வரின் திட்டத்தில் தலையிட உச்சநீதிமன்றம் மறுப்பு

மாநிலம் முழுவதும் உள்ள 12,524 கிராம பஞ்சாயத்துகளில் விருப்பமுள்ள 'மக்கள் நல பணியாள்களை  'வேலை உறுதி திட்ட பணி ஒருங்கிணைப்பாளர்களாக MGNREGS இன் கீழ் முன்னுரிமை அடிப்படையில் ரூ.7,500 மாதாந்திர மதிப்பூதியம் வழங்கும் திட்டத்தை தமிழக முதல்வர் ஸ்டாலின் முன்மொழிந்தார்.

முதல்வர் ஸ்டாலின் முன்வைத்த முடிவு செய்யப்பட்ட திட்டத்தில் தலையிட உச்ச நீதிமன்றத்தின் விடுமுறைக்கால பெஞ்ச் புதன்கிழமை மறுத்துவிட்டது.

நீதிபதிகள் எம்.ஆர்.ஷா மற்றும் அனிருத்தா போஸ் ஆகியோர் அடங்கிய பெஞ்ச், விருப்பமுள்ள மக்கள் நலப்பணியாளர்கள் மட்டுமே இந்த வாய்ப்பை ஏற்க வேண்டும் என்றும், முதலமைச்சரின் முன்மொழிவின் மீது ஏற்கனவே நடவடிக்கையில் இறங்கிய மாநில அரசு, அவர்களை ஏற்க கட்டாயப்படுத்தவில்லை என்றும் கூறியது.

இந்த வழக்கில் மாநில அரசு மற்றும் 'மக்கள் நல பணியாளர்கள் சங்கம்' சார்பில் மூத்த வழக்கறிஞர் பி.வில்சன் ஆஜரானார்.

கிராம பஞ்சாயத்துகளில் பணியமர்த்துவதற்கான அரசாங்கத்தின் புதிய சலுகையை எடுத்துக்கொள்வதற்குப் பதிலாக, நிலுவையில் உள்ள வழக்குகளைத் தொடர விரும்பும் மக்கள் நலப்பணியாளர்கள்களின் உரிமைகளுக்கு எந்தவிதமான பாரபட்சமும் ஏற்படக்கூடாது என்றும் நீதிமன்றம் தெளிவுபடுத்தியது.

2003 ஆம் ஆண்டு தமிழ்நாடு மதுபான சில்லறை விற்பனை (கடைகள் மற்றும் பார்களில்) விதிகள் 10 (5) உடன் படிக்கப்பட்ட அரசியலமைப்பின் 47 வது பிரிவின் கீழ் "மக்கள் நல பணியாளர்கள்" திட்டம் "மது அருந்துவதன் தீமைகள்" பற்றிய விழிப்புணர்வை ஏற்படுத்துவதாகும். இருப்பினும், இந்த திட்டம் 2014 முதல் வழக்குகளில் சிக்கியுள்ளது மற்றும் இது தொடர்பான மேல்முறையீடுகள் தற்போது உச்சநீதிமன்றத்தில் நிலுவையில் உள்ளன.