குற்றாலத்தில் உணவின்றி தவித்த குரங்குகளுக்கு மாவட்ட காவல் கண்காணிப்பாளர் உணவளித்தார்

தென்காசி மாவட்டத்தில் ஊரடங்கு காரணமாக சுற்றுலா தலமான குற்றால அருவிகள் முழுவதுமாக மூடப்பட்டுள்ளது. இதனால் அங்கு பொதுமக்களின் நடமாட்டம் இல்லை. அங்கு வாழும் குரங்குகள் உணவின்றி தவித்து வருகிறது.குரங்குகளுக்கு பல்வேறு சமூக அமைப்புகள், மற்றும் தன்னார்வலர்கள் தங்களால் இயன்ற அளவிற்கு உணவு அளித்து வருகின்றனர்.

இந்நிலையில் மாவட்ட காவல் கண்காணிப்பாளர் சுகுண சிங் குரங்குகளுக்கு நேரில் சென்று உணவளித்தார். மேலும் ஊரடங்கு முடியும் வரை குரங்குகளுக்கு காவல் துறையின் சார்பில் உணவு அளிக்கப்படும் எனவும், பொதுமக்கள் தாங்கள் வீட்டின் அருகாமையில் உள்ள விலங்குகளுக்கு உணவு அளித்து உதவுங்கள் என்றும் அவர் தெரிவித்துள்ளார்..