மதுரை எஸ். ஆலங்குளம் பகுதியில் 20 லிட்டர் கள்ளச்சாராயம் பறிமுதல்-வாலிபர் கைது.

மதுரை எஸ். ஆலங்குளம் பகுதியில்  20 லிட்டர் கள்ளச்சாராயம் பறிமுதல் செய்து வாலிபரை மதுவிலக்கு போலீசார் கைது செய்தனர். 

மதுரைரையை அடுத்து எஸ். ஆலங்குளம் உள்ளது. இங்கு ஆலங்குளம் இரண்டாவது ஸ்டாப் அருகில் கருப்பையா தேவர் காம்பவுண்டில் வசிக்கும் தங்கராஜ் மகன் அசோக் குமார் என்பவர் சாராய ஊறல் போட்டிருப்பதாக தகவல் கிடைத்தது.

இதனையடுத்து மதுரை மாநகர் அமலாக்கப் பிரிவு இன்ஸ்பெக்டர் லட்சுமி மற்றும் மதுவிலக்கு போலீசார் சோதனை மேற்கொண்டனர் அதில் அந்தப் பகுதியில் சாராய விற்பனை நடைபெறுவது கண்டுபிடிக்கப்பட்டது.

சாராய ஊறல் தயாரிப்பதற்கான மண்பானை, பிளாஸ்டிக் டிரம் உள்ளிட்ட பொருட்களுடன் 20 லிட்டர் தயார் செய்து வைக்கப்பட்டிருந்த கள்ளச்சாராயத்தை பறிமுதல் செய்தனர் . மேலும் இந்த பகுதியில் சாராய ஊறல் போடப்பட்டு இருக்கிறதா என்பதை குறித்து கைது செய்து விசாரணை நடத்தி வருகின்றனர். தற்போது டாஸ்மாக் கடைகள் மூடப்பட்டிருக்கும் இந்நிலையில் இந்த பகுதியில் கள்ளச்சாராய வியாபாரம் அமோகமாக நடைபெற்றது கண்டறியப்பட்டது.