பயணிகளின் போதிய ஆதரவின்மை காரணமாக சில ரயில்களின் சேவை மே மாத இறுதி வரை ஏற்கனவே ரத்து செய்யப்பட்டிருந்தது. தற்போது அந்த ரயில்களின் சேவை ரத்து ஜூன் 16 வரை நீட்டிக்கப்பட்டுள்ளது.
1. மே 31 வரை ரத்து செய்யப்பட்டிருந்த திருச்சூர், பாலக்காடு, பொள்ளாச்சி, பழனி வழியாக இயக்கப்படும் வண்டி எண் 06343 திருவனந்தபுரம் - மதுரை அமிர்தா சிறப்பு ரயில் ஜூன் 15 வரை ரத்து செய்யப்படுகிறது. மறுமார்க்கத்தில் வண்டி எண் 06344 மதுரை - திருவனந்தபுரம் அமிர்தா சிறப்பு ரயில் மே 16 வரை ரத்து செய்யப்படுகிறது.
2. மே 31 வரை ரத்து செய்யப்பட்டிருந்த வண்டி எண் 06105 சென்னை எழும்பூர் - திருச்செந்தூர் செந்தூர் சிறப்பு ரயில் ஜூன் 15 வரை ரத்து செய்யப்படுகிறது. மறுமார்க்கத்தில் வண்டி எண் 06106 திருச்செந்தூர் - சென்னை எழும்பூர் செந்தூர் சிறப்பு ரயில் ஜூன் 16 வரை ரத்து செய்யப்படுகிறது.
பாம்பன் பாலப் பகுதியில் காற்றின் வேகம் அதிகமாக இருப்பதால் இன்று (26.5.2021) ராமேஸ்வரத்தில் இருந்து புறப்பட வேண்டிய ரயில்கள் மண்டபம் ரயில் நிலையத்திலிருந்து புறப்படும்.
1. இன்று மாலை 05.10 மணிக்கு ராமேஸ்வரத்தில் இருந்து புறப்பட வேண்டிய வண்டி எண் 06852 ராமேஸ்வரம் - சென்னை எழும்பூர் சிறப்பு ரயில் மண்டபம் ரயில் நிலையத்திலிருந்து மாலை 05.40 மணிக்கு புறப்படும்.
2. இன்று ராமேஸ்வரத்தில் இருந்து இரவு 11.55 மணிக்கு புறப்பட வேண்டிய வண்டி எண் 05119 ராமேஸ்வரம் - மாண்டுயாடிஹ் சிறப்பு ரயில் 25 நிமிடங்கள் காலதாமதமாக நாளை (27.5.2021) அதிகாலை 00.20 மணிக்கு மண்டபம் ரயில் நிலையத்திலிருந்து புறப்படும்.