மதுரை மாநகரில் பழுதான சாலைகளை சீரமைக்க பாஜக.,வினர் கோரிக்கை

மதுரை பாலரெங்கபுரம் மண்டல் செயற்குழு கூட்டம், மாவட்டத் தலைவர் கே.கே.சீனிவாசன் அறிவுரைத்தல்படி பாலரெங்கபுரத்தில் நடைபெற்றது. இதில், மண்டல் தலைவர் ஜெ.கே.ரவி தலைமை தாங்கினார்.

இந்த கூட்டத்தில், மதுரையில் பழுதான சாலைகளை மாநகராட்சி பழுது நீக்கக்கோரி தீர்மானம் நிறைவேற்றப்பட்டது.

மாநில செயலாளர் கார்த்திக் பிரபு , மாவட்டச் செயலாளர்கள் ரோஜராணி, பழனிவேல், பிரச்சார பிரிவுத் தலைவர் பெட்டிக்கடை ரவிச்சந்திரன், ஊடகப்பிரிவு தலைவர் ராம்குமார், மண்டல் நிர்வாகிகள், செயற்குழு உறுப்பினர்கள், வார்டு தலைவர்கள், செயற்குழு உறுப்பினர்கள் கலந்துகொண்டனர்.